Isikiyɛli 26:8 - ALLALA KUMƐ

⁸ Minnuna soenu sa yi dafɛ, wonu kunyɛ si to kɛlɛ rɔ bofe! Anu yogenu si bɔnkɛ ladɛn anuna tarɛnu ma alako anu si ke yɛlɛla tarɛ ma nya min anu kɛlɛ-koe la. Anuna nɛgɛ-walannu si ma Taya kɛnu yala iko dandan-gbɛlɛ-wɛ.

Isikiyɛli 26:8 Iomraidhean Croise

2 Samuwɛli 20:15

Yohabula kɛlɛ-dannu ya a lamɔɛn min kɛ ko Siba ye nyɔ rɔ, anu tara bui soe wo ma. Anu ya bɔnkɛ ladɛn tarɛ kɔma alako anu ni yɛlɛ tarɛ ma ka yigi a burɔ. Wo kɔma, anu ya denkɛ sin tarɛ kɔrɔ alako tarɛ wo ni bui.

Yɛrɛmaya 32:24

“Babilɔn kɛnu bara bɔnkɛ ladɛn tarɛ kɔma alako anu ni Yerusalɛm soe bira, ado anu bi ma kɛlɛ-tinɛ le. Kɛlɛ wo, kɔnkɔ wo, anubɛ kirayɛ si a ma, soe kɛ ni don anu bolo. I wara min bɛɛ fɔ, i ma a yen, wo bɛɛ ara bɔ-a-la,

Yɛrɛmaya 52:4

Wo le ya a ma, Nɛbukanasa nara ala kɛlɛ-dannu na ka bui Yerusalɛm soe ma. Wo mara Mansa Sɛdɛkayala mansayɛ san kɔnɔntɔ, a karɛ tan, a tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Isikiyɛli 21:22

Nba! Kalabɛn min bi a bolo-nyimɛ rɔ, wo ya Yerusalɛm kilɛ yira a la. Wo ye a fɔla a ye ko a ni tarɛ da-keri-fan sɔ Yerusalɛm soe kan ma. Wo kɔma, ale mansɛ si to worondola ka kɛlɛ-matɔgɔ-kumɛnu fɔ. A si bɔnkɛ layɛlɛ soe wo tarɛ ma alako mɔgɔ-siyaman ni yɛlɛ tarɛ ma kɛlɛ-kɛ-tinɛ soe wo burɔ.

Isikiyɛli 26:6

Anu si belenna anu fagala soenu tɔ hali minnu sa yi dafɛ. Wo kɔma, Taya kɛnu si na a lɔn ko nde le Mari la.

Isikiyɛli 26:9

Anu si anuna soe tarɛnu keri tara-keri-fannu na ka anuna nyamanɛ kumafɛlɛn-kan-tina-layan-bɛnu keri nɛgɛ-gbelekɛnu na.

Habakuku 1:10

Anu si nyamani-tiginu nafɛya. Anu ma mɔgɔ-banu lɔn fenfen na. Ni anu ya tara-minini taran soe min ma, anu si bɔnkɛ ladɛn wo fɛ ka yigi a burɔ tiriya!

Luka 19:43

ado tele donu si na, wo yogenu si tarɛ mini wo ma ka kilɛ tɛgɛ wo ma kan tinɛ bɛɛ rɔ.