Isikiyɛli 24:3 - ALLALA KUMƐ

³ Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Isikiyɛli 24:3 Iomraidhean Croise

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

Yaburi 78:2

N bi nala hɛnkilimaya-kumɛnu fɔla minnu bi ko-dogonni-kɔrɛnu takaranna wo ye.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 29:2

Alla si kasarɛ lana soe kɛ ma mɔgɛnu bi min kelela ko, “Allata saraka-mintan-tinɛ.” Di-kɛ anubɛ gbele-gbelan si taran ile rɔ. Soe mumɛ bɛɛ si ma iko saraka-mintan-tinɛ min yamatogonnɛ yele la.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 1:13

Mari kumara n ye tun, a ko, “Yɛrɛmaya, i wara nfen yen kɛ la tun?” Nde, Yɛrɛmaya ya a fɔ Mari ye ko, “N ya yi le yen gbonsanna dagɛ rɔ. A ara to sɛ, a ra ni wuya n bara la ka bɔ kantɔ-wara la.”

Yɛrɛmaya 1:14

Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Isikiyɛli 11:11

Soe kɛ ti wo latanka iko dagɛ ye soge latankala tɛ ma nya min. Wole Isirɛla mɔgɛ minnu bi Isirɛla nyamanɛ kan-tinɛ bɛɛ rɔ, a ko a si wo tɔrɔ wo dama rɔ.

Isikiyɛli 11:3

Anu bi a fɔla ko, ‘A ti mɛ tun, ma ara bon-sɔɛ dabira. Soe kɛ mani de iko sogo-te-dagɛ, ado male mani de a rɔ iko soge. Kɔnɔ hali wo, dagɛ ye ma lakananna tɛ ma.’

Isikiyɛli 11:7

A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Isikiyɛli 12:25

Anuta Mari kan le kɛ la. N ba min fɔ, wo le ye mala. A makɔnɔ-wati-wo-wati sa nyɔ tun. N bara mɔgɔ-murutiyanɛnu makawandi minnu ma, fɔ n ba wonu ma le anu siyi-tele-bɛɛ kɔrɔ serr! Nde, anu Tigi Mari kan le kɛ la!”

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 17:2

“Ile hadama-dan, tili kɛ tɛgɛ Isirɛla mɔgɛnu ye

Isikiyɛli 2:2

N tole tora kumɛ wo la, Marita Sɛnbɛ donta n tɔ ka n nasɔ. N tora kuman-kan wo lamɔɛnna.

Isikiyɛli 2:3

A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.

Isikiyɛli 2:5

Anu banta, anu sɔnta, fɔ anu ni a lɔn yati, ko nɛbi ye anu tɛma.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Isikiyɛli 2:8

“Ile hadama-dan, i tole masɔ nna kumɛ la. Ile kana murutiya iko anu denu. N bi nala min dila i ma, i ni i dɛ laka wo dɔn-tinɛ.”

Isikiyɛli 20:49

Nde, Isikiyɛli ya Mari sɔsɔ, n ko, “N Tigi Mari, wo ma-sɔgɔ sa n na bawo mɔgɛnu bi a fɔla n ma ko nna tilinu bi anu kɔndɔfilila.”

Isikiyɛli 24:6

“Nde, wo Tigi Mari ko mɔgɔ-fagalɛnuta soe dankani de! Soe wo mani de iko dagɛ min tanɔgɔnɛ kɔtikɔti! Woletɔ i ni sogo-kundi wonu nabɔ dagɛ wo rɔ kelen-kelenyɛ ma ka a rakolonya filili!

Isikiyɛli 3:9

N si i ragbɛlɛya iko farɛ ka i yisi gbɛlɛya iko kuri. Hali i ma kilan mɔgɔ-murutiyanɛ wonu na mumɛ!

Maika 2:4

Wo kɔma, mɔgɛnu si to anu sɔn-kɔrɛ wonu takaranna ka anu ma tamasere la. Mɔgɛ kɛnu si to wole kensunte-kɔrɛnu mayɛlɛn-sigi sala. Mɔgɛ donu bi dila kaka ko, ‘Ma ara tinya pɔ! Mari ara mala kebila-dugi bi ma bolo. A ara a don ma yogenu bolo minnu si ma bira ka ma ma yɔɔnnu na.’ ”

Maraka 12:12

Yahudiyanuna kun-tiginu ya anu taya Yisa bira-koe ma bawo anu ya a lɔn ko Yisa ya tili wo tɛgɛ anu denu denu ma. Kɔnɔ anu kilanta nyama la min kɛ, anu bɔra a fɛ ka ta anu ye.

Luka 8:10

A ya anu yabi ko, “N bara Allala mansaya-hɛnkilimayɛ gbundu-koenu di wole ma. Kɔnɔ n si a fɔ doinu ye tilinu tɔ. Ni n ma wo ma iko Nɛbi Aiseya ya a fɔ nya min, ‘Anu bi fan mafɛlɛnna kɔnɔ anu sa a yenna. Anu bi anu tole masɔla kɔnɔ anu sa ko lamɔɛnna.’

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!