Isikiyɛli 22:8 - ALLALA KUMƐ

⁸ Anu sa kan-tina-sɛnimɛnu gbiliyala. Anu sa Sulen-Tele birala a kilɛ fɛ.

Isikiyɛli 22:8 Iomraidhean Croise

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:20

N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 20:24

N ya wo ma bawo anu ya anu ban nna tɔnnu ma ka Sulen-Tele lafɛya pɔ! Anu benbanuna bɛsi-kɔ-koe di anu ye.

Isikiyɛli 22:26

Anuna saraka-masɔlɛnu bi tɔnnu tinyana ka ko-sɛnimɛnu nafɛya. Dan-nafara ma taran fen-sɛninyanɛ anubɛ fen-sɛninyabɛlɛnu tɛma anu yala. Anu sa mɔgɛnu karanna ka a lɔn ni Allatɛ ye min na anubɛ ni mɔgɛnutɛ ye min na. Sulen-Tele bira-koe bɔrɔ-wo-bɔrɔ sa anu ye. Ka a tɛgɛ anu sɔn wonu ma, n ma gbili Isirɛla mɔgɛnu ma tun.

Saraka-Masɔlɛnuta Tɔnnu 19:30

“Wo ni Sulen-Tele gbiliya. Wo ni n bato tinɛ fanan gbiliya. Nde, wota Mari Alla ya kɛ le fɔ wo ye.

Malakayi 1:12

Kɔnɔ a ko dɔntɛ minnu ma di wole ye, wo ye wo le bɔla. Wo ye a yirala a la ko ala saraka-mintan-tinɛ, fufafu le wo la. Bawo wo ye kɛnu mala, wo ye a lafɛyala kɛ-nya na le.