Isikiyɛli 21:3 - ALLALA KUMƐ

³ ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Isikiyɛli 21:3 Iomraidhean Croise

Yobu 9:22

Yoe taranta n bolo wo, yo ma taran n bolo wo, fɔ Alla wa n bara-koe ka-a-la.

Yaburi 17:13

Mari, i lawuli n yogenu kan ma ka anu nɔ. N yogenu tagborokan. I ni n nakisi wunduyogenu ma.

Yaburi 80:17

I ni ila mɔgɔ-yabɔnɛnu kumafunfan ka anu nakisi. I wara a ma, ma ara sabati.

Yaburi 83:15

i ni anu gben ita tɔnkɔlɔn la wo nya na ita fondo-bɔɛ la ka anu miran bɔ anu ma ita fɔn-belebele la.

Bɔ-Koe-Iyipiti 15:9

I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Makawandili Kumɛnu 9:2

Dan-nafara woo sa wo la. A karagbɛlɛ wo, a mɔgɔ-latelenni wo, a mɔgɔ-nyima wo, a mɔgɔ-yogo wo, a mɔgɔ-sɛninyanɛ wo, a mɔgɔ-sɛninyabɛlɛ wo, a saraka-bɔla wo, a saraka-bɔlabɛlɛ wo, wo do-wo-do ma a laban-nya lɔn. Telenbaga ma tenbi hakɛ-tigi la. Nyɛrɛ-tasɛlɛla ban ma tenbi nyɛrɛ-tasɛbɛlɛtɛ la.

Aiseya 10:5

Mari ko wole Asiriya kɛnu! A ko a fonde bɔnɛ mɔgɛ minnu kan ma, a si wole bi ka wo ma gbelekɛ la anu kɛlɛ tinɛ.

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Yɛrɛmaya 17:27

Ni wo ya wo tui ka to dunɛnu madununa Sulen-Tele ma ka tenbi anu na Yerusalɛm don-dɛnu na, Mari ko a si ta fitinɛ layigi Yerusalɛm don-dɛnu na min ti dufen muk! Hali wola kan-tina-latankanɛnu si mintan gburr!

Yɛrɛmaya 21:13

A ko ale Yerusalɛm soe siginɛ san ma iko fara-layan-bɛ min bi lɛɛ rɔ. A ko a si wole, Yerusalɛm kɛnu kɛlɛ, ado wo ye mankan tugula ko mɔgɔ-wo-mɔgɔ ti ke wo nɔla.

Yɛrɛmaya 21:14

A ko a si wo tɔrɔ ka tɛ tugu wola mansaya-bolɔn la iko wo ara sɔn-yogomɛ min nabɔ. Tɛ wo si fan bɛɛ mintan ala foolɛ rɔ. Ale Mari nyɛrɛ kan le kɛ la.

Yɛrɛmaya 50:31

Babilɔn fanɛ wasinteyɛ la nya min kɛ la, ale ma tigi Mari Sɛnbɛ-Bɛɛ-Tigi ko a kɔnkɔnnɛ anu ma. Anu tɔrɔ-wati ara ke Mari bolo.

Yɛrɛmaya 51:20

Mari ko, “Ile Babilɔn, nta kundu-wɛ le ile la. Nta kɛlɛ-kɛ-fan le ile la. N si ile bi alako ka sibolenu anubɛ nyamanɛnu kasara.

Yɛrɛmaya 51:25

A ko Babilɔn mani de iko fara-belebele-wɛ min si duninya bɛɛ halaki. Kɔnɔ Mari ko a yoge le ale la. A ko a si a latosokoro a kɔɛn la kɔnkɛ ma ka a mintan ka anu ma gbangban la!

Isikiyɛli 13:8

“Woletɔ nde, wo Tigi Mari ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. N si taran anu kan ma.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Isikiyɛli 21:19

“Ile hadama-dan, i ni kila fila yabɔ Babilɔn mansɛ anubɛ ala faan si tenbi kan min. Kila filɛ kɛ bɛɛ da ni bira nyamani kelen tɔ. I ni mandan do sɔ kila-tangbɛ rɔ

Isikiyɛli 24:9

“Nde, wo Tigi Mari ko mɔgɔ-fagalɛnuta soe dankani de! Nde nyɛrɛ si a mintan-sɔgɛ ladɛn.

Isikiyɛli 26:3

“Woletɔ nde, wo Tigi Mari ko ale Taya kɛnu yoge le nde la. N si sibolo-gbɛrɛkɛ donu nana anu kan ma. Wonu si to tugula anu kuma iko kɔgɔ-yi min bi tugula a rɔ.

Isikiyɛli 29:10

nde, Mari mara a yoge la. Ado nfan, Nayɛli bɛ fanan yoge le nde la. Ka a bi Migidɔli soe min bi kan tɔ ha ka ke Asuwan soe min bi dugu la ha ka ke Sudan nyamanɛ-dabirɛ ma, n si Iyipiti nyamanɛ bɛɛ ma nyamani-kasaranɛ la.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 5:8

Woletɔ nde, wo Tigi Mari Alla ye a fɔla wo ye ko wo yoge le nde la gbɛ! N bi wo kitila duninya tɛma le.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Emɔsi 7:4

Wo kɔma, Mari ya ko-rayirɛ do kɛ n ye tun. N ya a yen, Alla ya tɛ rabɛn ala mɔgɛnu halaki-koe la. Tɛ wo ya yinu gbala duninya bɛɛ rɔ. Wo kɔma, tɛ ya a ya-lamunun dugu-kole la.

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

Nehami 3:5

Mari Sɛnbɛ-Bɛɛ-Tigi ko a si ile Ninɛfa soe tɔrɔ. A ko a si ile Ninɛfa lakolonya alako duninya ni i lakolɔn yen.

Sɛfanaya 2:12

Mari si a ma, Sudan kɛnu yogenu ni anu halaki.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.