Isikiyɛli 2:3 - ALLALA KUMƐ

³ A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.

Isikiyɛli 2:3 Iomraidhean Croise

2 Mansɛnu 17:14

Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 106:28

Allala mɔgɛnu kofura Beyali-kɔlɛnu ma Piyɔri kɔnkɛ ma. Niyi sa bɛsɛ minnu tɔ, anu bi wonu kɔ-fan dɔnna.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 44:20

Wo kɔma, minnu ya n yabi wo nya, a musu wo, a kei wo, n ya a fɔ wonu ye ko,

Yɛrɛmaya 44:21

“Wobɛ wo benbanu bi min kun na nun wo, wola mansɛnu anubɛ wola kun-tiginu bi min kun na nun wo, anubɛ minnu bi Yerusalɛm soe anubɛ Yuda nyamanɛ rɔ wo, wole miri ko wo ye isɛnti-mintan-koe min kun na, Mari sa wo kalama, wa? A la ara nyina le, wa?

Yɛrɛmaya 7:2

A ko n ni sɔ Mari Bato-Bɔn don-dɛ la. N ni kawandili kɛ bɔ nyɔ rɔ. Wole Yuda mɔgɛnu, wo ni wo tole masɔ Mari kuman-kan la. Wole minnu bi tenbila don-dɛ kɛ la ka na Mari bato-tinɛ, wo ni wo tole masɔ.

Isikiyɛli 17:12

“Mɔgɔ-murutiyanɛnu manyinika, wa, ni anu ya tili kɛ kɔrɛ lɔn. A fɔ anu ye ko Babilɔn mansɛ nara Yerusalɛm soe burɔ. A tara Yuda mansɛ anubɛ a mɔgɔ-banu dununa a bolo Babilɔn nyamanɛ rɔ.

Isikiyɛli 24:3

Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Isikiyɛli 40:4

Kei wo ya a fɔ n ye ko, “Ile hadama-dan, i yɛ bɛn n ma ka i tole masɔ a kin na! N si min bɛɛ yira i la, i yili ni to wonu ko bɛrɛkɛ bawo i nara wo lela ko la yan. I ye min bɛɛ rayenna yan, fɔ i ni ta wo rakaran Isirɛla mɔgɛnu ye.”

Emɔsi 7:15

Mari le ya n bɔ wonu kun na ka na n na yan alako n ni wɔlɔyiya-kumɛnu fɔ wole, Isirɛla mɔgɛnu ye.

Malakayi 3:7

A ko wole bɔra wo benbanu denu na. Wonu ya ata tɔnnu boloka. Wonu ma sɔn anu bira koe ma. Mari ko wo ni sɛgi a ma tun, a si a ya-lamunun wo la. Kɔnɔ a ko wole ye a fɔla ko, “Ma si nfen ma min si a ma, ma ni sɛgi a ma?”

Yilan-Yilan Koe 20:10

Musa anubɛ Aruna ya mɔgɔ damasi kele ka na anu sɔ farɛ wo dafɛ ka a fɔ anu ye ko, “Wo ni wo tole masɔ, wole mɔgɔ-faratiyanɛnu! Fɔ male ni na yi labɔ farɛ kɛ rɔ wole ye, wa?”

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:27

I miri ita wɔli-kɛlɛnu ma, Iburayima anubɛ Isiyaka anubɛ Yakoba. I yandi, Mari, i kana i bila anuna murutiyɛ anubɛ anuna wunduyogoyɛ fɛ. Anu hakɛ makoto.