Isikiyɛli 19:9 - ALLALA KUMƐ

⁹ Anu ya yɔlɔkɛ kɛ a ma ka a ladon sansan burɔ ka ta a don Babilɔn mansɛ bolo. Anu ya a sa yele la ka a kandan alako a bɔrɔndɔ-bɔrɔndɔ-kan wo ni ban Isirɛla kɔnkɛnu tɔ feufeu!

Isikiyɛli 19:9 Iomraidhean Croise

2 Mansɛnu 19:28

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ sɔgɔ lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

2 Mansɛnu 23:33

Iyipiti Mansa Niko nara ale bira Ribila soe burɔ Hamati nyamanɛ rɔ. Wo le ya a ma, aleta mansayɛ banta Yerusalɛm soe burɔ. Mansa Niko kɛ ya a ma, Yuda nyamanita-mɔgɛnu ya duti di ale ma. A ya a ma, anu ya wodi-gbɛ labɔ minna gbiliyɛ anubɛ fui-fen bɔrɔ bi-loli rakɛn. A ya a ma, anu ya sɛnɛ fanan nabɔ minna gbiliyɛ anubɛ fui-fan bɔrɔ talɛ rakɛn.

2 Mansɛnu 24:15

A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

2 Ko-Kɔrɔta-Karan 36:6

Wati tenbinɛ, Babilɔn Mansa Nɛbukanasa tara bui Yuda nyamanita-mɔgɛnu ma. A ya Mansa Yahoyakim bira ka ta a la Babilɔn nyamanɛ rɔ. A kirinɛ yɔlɔkɛ la.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Isikiyɛli 19:7

A ya so-latankanɛnu tinya ka soe donu kasara. A wa bɔrɔndɔ-bɔrɔndɔ nun tumɛ min, nyamanita-mɔgɛnu kun ma si kɔ.

Isikiyɛli 34:4

Minnuta ma gbɛlɛ, anu sa wonu dɛnbɛna. Minnu kirɛ, anu sa sɔnna wonu dandanna. Minnu tanbannɛ, anu sa wonuna tɛlɛnu makirila. Minnu tara anu kun fɛ, anu sa wonu kunyɛ lasɛgila a rɔ. Minnu tununta, anu sa wonu nyinina. Anu ti wo fenfen ma fɔ ka anu bira boloko-yogomɛ-kɛ.

Isikiyɛli 36:1

Mari ko, “Ile hadama-dan, kuma Isirɛla kɔnkɛnu ye. A fɔ anu ye ko anu ni anu tole masɔ nde,

Isikiyɛli 6:2

“Ile hadama-dan, i ya-lamunun Isirɛla kɔnkɛ kɛnu na ka nna kilayɛ lake anu ma.