Isikiyɛli 19:4 - ALLALA KUMƐ

⁴ Mɔgɛnu ya mɔgɔ dɔnnɛ kɛ wara-koe lamɔɛn tumɛ min, anu ya a bira denkɛ rɔ. Anu ya yɔlɔkɛ kɛ a ma ka ta a saganna dugi la ha Iyipiti nyamanɛ rɔ.

Isikiyɛli 19:4 Iomraidhean Croise

2 Mansɛnu 23:31

Yɛhowahasi ya mansayɛ sɔrɔn Yuda nyamanɛ rɔ a sɔrɔn-san mogan-ni-sawa nyɔgɛ le ma. Karɛ sawa pe, a ye mansayɛ la Yerusalɛm soe burɔ. A na le Yɛrɛmayala den Hamutali la ka bɔ Libina soe burɔ.

2 Ko-Kɔrɔta-Karan 36:4

Ale Mansa Niko ya Yosayala dan do ma mansɛ la Mansa Yɛhowahasi gbɛ rɔ. Wo tɔgɛ le Ilayakim kɔnɔ Iyipiti Mansa Niko ya a tɔgɛ yɛlɛma ko Yahoyakim. Mansa Niko tara a dɔgɔ Mansa Yɛhowahasi la Iyipiti nyamanɛ rɔ.

2 Ko-Kɔrɔta-Karan 36:6

Wati tenbinɛ, Babilɔn Mansa Nɛbukanasa tara bui Yuda nyamanita-mɔgɛnu ma. A ya Mansa Yahoyakim bira ka ta a la Babilɔn nyamanɛ rɔ. A kirinɛ yɔlɔkɛ la.

Yɛrɛmaya 22:18

Mari le ya kɛ fɔ Yuda Mansa Yosayala den Yahoyakim ma, a ko, “Yuda mɔgɛnu ti anu dɛ sa-a-rɔ i san-koe kuma. Ila kinikini ti taran anu tɔ. Hali ka a fɔ i kebilɛ ma, ‘Sɛkɔrɔ,’ anu ti wo ma.

Isikiyɛli 19:3

A ya ala dan do makaran donsoyɛ la ha wo mara mɔgɔ-dɔnnɛ la.

Isikiyɛli 19:5

A na mɛra a makɔnɔna furr ha a yisi bɛɛ tinyara a wara-koe rɔ. Wo kɔma, a ya ala dan doi wo makaran donsoyɛ la. Wo fanan mara yara-makilannɛ la.