Isikiyɛli 17:3 - ALLALA KUMƐ

³ alako anu ni a lɔn nde, wo Tigi Mari ye min fɔla wo ye. Kokɛ-belebele do ye nyɔ nun min kanban tafulennɛ. A kanban-tiyi wonu kin dɔgɔma-ma-de! A kanban wonu tagbɛlɛ. A gbanta ka ta Lɛbanan kɔnkɛnu kuma. A ke nyɔ, a ya sida-kɔn-sungban do keri.

Isikiyɛli 17:3 Iomraidhean Croise

Yɛrɛmaya 24:1

Babilɔn Mansa Nɛbukanasa tara Mansa Yahoyakimna den Yuda Mansa Yɛhoyasin la Babilɔn nyamanɛ rɔ. A tara Yuda mɔgɔ-banu anubɛ a boloma-wɔli-kɛlɛnu anubɛ siyakinu fanan na. Wo tenbira min kɛ, Mari ya senda fila yira n na minnu nafanɛ toro-gbɔɛ la. Anu siginɛ Bato-Bɔn lu-kole ma.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Yɛrɛmaya 48:40

Mari ko, “Wo ni wo yɛ lata kɛlɛ-dannu mayigila Mohabu kan ma iko kokɛ-kanban tafulennɛ tenbi yigila fen kan ma.

Yɛrɛmaya 49:16

Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Nimisa Koe 4:19

Ma yogenu yigira ma kan ma iko tanbakɔrɔmanɛ si bɔ san ma nya na fii! Anu ya ma sagaran kɔnkɛnu tɛma. Anu ya ma latɛrɛna wulɛ rɔ ka ma bira.

Isikiyɛli 17:4

A tara wo la ka a ki soe do burɔ yilanuna nyamanɛ rɔ nyɔ.

Isikiyɛli 17:7

“N ya kokɛ-gbɛrɛ yen min ma ke a fɔlɔtɛ rɔ. A kanbannu kolo, ado a tiyinu siya a ma. Ki-fan wo ya a suli donu nata kokɛ doi kɛ wara la. A yanba-kunyɛ bɛɛ telennɛ kokɛ kɛ la alako wo si a yi sa nya min ka tenbi a kinɛ kan min.

Isikiyɛli 31:3

Anuna nyamanɛ mani de iko Lɛbanan-sida-kɔlɔma-tapinpini-bɛ min yanyanɛ ka ke banda-finyɛ ma.

Daniyɛli 2:38

Ale le ya i ma duninya mumɛ mansɛ la ka mɔgɛnu anubɛ sogenu anubɛ konanu ma itɛ la duninya kɛ rɔ. Ile, ma tigi, kiyora kunyɛ min na, a manɛ sɛnɛ la, ile le wo la.

Daniyɛli 4:22

“Daniyɛli ya a fɔ n ye ko kɔlɔma wo, nde, mansɛ le wo la. A ko nde, mansɛ ara koloya ha n bara tugu san-kole la. A ko nna mansaya-sɛnbɛ ara ke duninya tonke bɛɛ rɔ.

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Habakuku 1:8

“Anuna soeenu bi anu burila ka tenbi kuli la. Soee wonu makilannɛ ka tenbi suluku-kɔnkɔtoe la. Anuna so-laburilɛnu nara le ka bɔ wula-yan la pon! Soee wonu bi anu matɛnna buri-kɛ-koe la. So-laburilɛnu anubɛ anuna soee wonu si yigi anu yogenu kan ma fii iko tanbakɔrɔmanɛ si yigi sisi-dan kan ma nya min!

Matiyu 24:28

“Suyi taranta kan min, dogɛnu si anu nadɛn nyɔ le.

Matiyu 4:24

Yisa mankan nyɛnsɛnta Siriya nyamanɛ bɛɛ rɔ. Wo le ya a ma, mɔgɛnu nara kirayato-su bɛɛ la a wara. A nyinato wo, a kirikirisato wo, a solomonya-fagani-tigi wo, Yisa ya wonu dama lakɛndɛya.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.