Isikiyɛli 16:3 - ALLALA KUMƐ

³ A fɔ Yerusalɛm kɛnu ye ko nde, wo Tigi Mari kan le kɛ la. “ ‘Ile Yerusalɛm soe, i fa le Amoranu na. I na le Hɛtinu na bawo wonu denu ya ile Yerusalɛm soe datɛgɛ Kenan nyamanɛ tɛma.

Isikiyɛli 16:3 Iomraidhean Croise

Ko-Dabirɛnu 11:25

Tɛra sɔrɔn kɔma, Nehori ya dan donu sɔrɔn a nyɔgɔn san kɛmɛ ani san tan-ni-kɔnɔntɔ (119) kɔrɔ, a nara to fagala.

Ko-Dabirɛnu 11:29

Hɛran ya dunmusi fila sɔrɔn, Milaka anubɛ Isika. Hɛran kɔrɔ Nehori wo ya Milaka furu, Hɛranna dunmusi, kɔni. Burama fanan ya dunmusi do furu min tɔgɛ Sirayi.

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

1 Mansɛnu 21:26

A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

2 Mansɛnu 21:11

“Manasa ara kisimiriya-koenu kɛ. A ya ko-yogomɛnu kɛ ka tenbi Kenan kɛnu na. A ara Yuda mɔgɛnu nabila bɛsi-kɔ-koe la.

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Nihɛmaya 9:7

Ile Mari Alla le ya Burama yabɔ ka a labɔ Yuri soe burɔ Babilɔn nyamanɛ rɔ. I ya a tɔgɛ yɛlɛma ko Iburayima.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 43:27

Ma benba-fɔlɔfɔlɛnu ya hakɛ kɛ. A ko mala kun-tiginu murutiyara a ma fanan.

Isikiyɛli 16:2

“Ile hadama-dan, Yerusalɛm kɛnu bi ko-kɔsɔni-koe minnu kun na, wo fɔ anu ye.

Isikiyɛli 16:4

I mani de nun iko dan wa sɔrɔn, a bara-yili ma tɛgɛ, a ma ku, kɔgɛ ma don a ma, a mamɔrɔ-mɔrɔni ma kura rɔ.

Isikiyɛli 16:45

ado ile Yerusalɛm bɔra i na le la, yɔ! I na wola kei anubɛ ala dannu ma di a ye. Ile fanan mani de iko i na-kelen-nyɔgɔ-musi minnuna keinu anubɛ anuna dannu gboyanɛ anu ye. I fa le Amoranu na. I na le Hɛtinu na bawo wonu denu ya wo datɛgɛ.

Isikiyɛli 21:30

“Wole Amonnu, wo ni wola faannu nasɛgi anu lɛɛnu tɔ. N si wo kiti wo sɔrɔn-nyamanɛ rɔ.

Matiyu 11:24

Nba, n ni a fɔ wo ye. Kiti-tɛgɛ-tumɛ wa ke, Alla si kinikini Sɔdɔm so-burɔ-mɔgɛnu ma ka tenbi ile la.”

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Luka 3:7

Sɛrɛ-belebele tora nala Yɔni wara dɛɛ, ko a ni anu batasi. A ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Tɔn-Fɔɛ-Fila-Nyɔgɛ 20:17

Wo si anu faga ka anu nato dogbe! Hɛtinu wo, Amoranu wo, Kenannu wo, Pɛrasanu wo, Hefanu wo, anubɛ Yebusinu, wo si anu damasi faga tɛrr, iko Mari ara a fɔ wo ye nya min.

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Yasowa 13:4

Wo ma Kenan mɔgɛnuna nyamanɛ bi wɛ min ya a dabira Meyara soe ma Sadon da kɔrɔ. Kenan mɔgɛnu dan le Afɛki soe la, Amora kɛnuna nyamanɛ-dabirɛ, kɔni.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.