Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.
A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.
Hali wo ma wo tɔrɔ wola tɛlɛnu bara-koe fɔla bawo a dandan-fen sa. Mari ko a ara wo tɔrɔ wo nya bawo wo hakɛ ara siyaya, ado wola karagbɛlɛyɛ ara wara.
A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.
“Ile hadama-dan, i rabɛnnɛ ka Yerusalɛm soe kiti, wa? Soe wo lafanɛ mɔgɔ-fagalɛnu na! Kisimiriya-koe min bɛɛsi ye mala a rɔ, fɔ i ni wo lagbɛ ala mɔgɛnu ye.
Babilɔn kɛnu anubɛ Kaladiya kɛ minnu bɔra Pikɔdi wo, Sowa wo, anubɛ Kowa, anubɛ Asiriyanu, n si anu damasi ladɛn ila minɛ rɔ. Anu dama kɛlɛ-den-kunyɛnu anubɛ mɔgɔ-banu anubɛ so-laburila-kunyɛ minnu fonike, ado anu mafɛlɛn di.
Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”
Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.
“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.
