Isikiyɛli 13:8 - ALLALA KUMƐ

⁸ “Woletɔ nde, wo Tigi Mari ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. N si taran anu kan ma.

Isikiyɛli 13:8 Iomraidhean Croise

1 Mansɛnu 13:18

Nɛbi-kɛmɔgɛ wo ya a fɔ a ye ko, “Nɛbi le nde fanan na iko ile. Marita melika ya kɛ le fɔ n ye ko fɔ n ni na i bi kilɛ la. Ma ni ta fen-dɔn-kɛ ma nyɔgɔn fɛ ka ma min.” Kɔnɔ Nɛbi-kɛmɔgɛ wo ya foninyɛ le fɔ wo la.

Yɛrɛmaya 21:13

A ko ale Yerusalɛm soe siginɛ san ma iko fara-layan-bɛ min bi lɛɛ rɔ. A ko a si wole, Yerusalɛm kɛnu kɛlɛ, ado wo ye mankan tugula ko mɔgɔ-wo-mɔgɔ ti ke wo nɔla.

Yɛrɛmaya 23:30

Nɛbi minnu bi anu nyɔgɔn kan bila ka a ma iko ale Mari kan le, Mari ko a ye nɛbi wonu kɛlɛla le.

Yɛrɛmaya 51:25

A ko Babilɔn mani de iko fara-belebele-wɛ min si duninya bɛɛ halaki. Kɔnɔ Mari ko a yoge le ale la. A ko a si a latosokoro a kɔɛn la kɔnkɛ ma ka a mintan ka anu ma gbangban la!

Isikiyɛli 21:3

ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Isikiyɛli 26:3

“Woletɔ nde, wo Tigi Mari ko ale Taya kɛnu yoge le nde la. N si sibolo-gbɛrɛkɛ donu nana anu kan ma. Wonu si to tugula anu kuma iko kɔgɔ-yi min bi tugula a rɔ.

Isikiyɛli 28:22

Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.

Isikiyɛli 29:10

nde, Mari mara a yoge la. Ado nfan, Nayɛli bɛ fanan yoge le nde la. Ka a bi Migidɔli soe min bi kan tɔ ha ka ke Asuwan soe min bi dugu la ha ka ke Sudan nyamanɛ-dabirɛ ma, n si Iyipiti nyamanɛ bɛɛ ma nyamani-kasaranɛ la.

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!

Isikiyɛli 35:3

Nde, i Tigi Marita kumɛ latenbi anu ma ko Idɔm mɔgɛnu yogo-fin-bɛ le nde, Mari la. N si anuna nyamanɛ ma nyamani-halakinɛ la pɔ!

Isikiyɛli 39:1

N Tigi Mari ko, “Ile hadama-dan, i ni kuma Mansa Kɔgi ma min bi Tubali anubɛ Misɛki sigisɔnnu kun na. A fɔ a ye ko a yogo-fin-bɛ le nde, Mari la.

Isikiyɛli 5:8

Woletɔ nde, wo Tigi Mari Alla ye a fɔla wo ye ko wo yoge le nde la gbɛ! N bi wo kitila duninya tɛma le.

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.

1 Pita 3:12

Bawo Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na. Kɔnɔ ko-yogoma-kɛlɛnu, a ye wonu kan ma.”