Isikiyɛli 13:7 - ALLALA KUMƐ

⁷ Nde, Mari si a fɔ anu ye ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. Anu kɛnɛna anu nyɛrɛ diyala-a-la ko nde le ya a fɔ anu ye kɔnɔ foninyɛ le wo la. Nde kulu ma wonu na!

Isikiyɛli 13:7 Iomraidhean Croise

Nihɛmaya 6:12

N ya n miri kumɛ kɛ ma a kila-bɛrɛbɛrɛ fɛ, n ya a lɔn ko Alla ma kuma Sɛmaya kɛ ye. Tobaya anubɛ Sanbalati le ya a sara kumɛ kɛ fɔ-koe la.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Isikiyɛli 13:6

Anuna ko-rayirɛ anubɛ anuna wɔlɔyiya-kumɛnu, wo bɛɛ foninya-kuma. Anu kɛnɛna nyɛrɛmankola-kumɛnu fɔla ko nde, Mari le ya anu sɔ. Kɔnɔ anu denu mirinɛ ko anu kan wo si bɔ-a-la.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!