Isikiyɛli 13:6 - ALLALA KUMƐ

⁶ Anuna ko-rayirɛ anubɛ anuna wɔlɔyiya-kumɛnu, wo bɛɛ foninya-kuma. Anu kɛnɛna nyɛrɛmankola-kumɛnu fɔla ko nde, Mari le ya anu sɔ. Kɔnɔ anu denu mirinɛ ko anu kan wo si bɔ-a-la.

Isikiyɛli 13:6 Iomraidhean Croise

1 Mansɛnu 22:12

Nɛbi-siyamɛ wo dama ya kuma kelan wo le fɔ. Anu ya a fɔ ko, “Ta Ramɔti kɛnu kɛlɛ. Mari si a ma, i ni anu nɔ.”

1 Mansɛnu 22:15

Ale nɛbi kenɛ Mansa Ehabu ma, mansɛ ya a manyinika ko, “Malebɛ Mansa Yɛhosafati ni ta Ramɔti kɛnu kɛlɛ, ka, ma ka ta?” Nɛbi Mɛkaya ya a fɔ a ye ko, “Awa, ta anu kɛlɛ tun. Fɔ i wa anu nɔ serr! Mari si anu don i bolo.”

1 Mansɛnu 22:27

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

1 Mansɛnu 22:37

Mansa Ehabu fagara ka le. Anu tara a furi togon Samariya soe burɔ.

1 Mansɛnu 22:6

Wo le ya a ma, Mansa Ehabu ya ala nɛbi mɔgɔ kɛmɛ nani nyɔgɔn sufa kele ka wonu manyinika, a ko, “N ni ta Ramɔti kɛnu kɛlɛ, ka, n ka ta?” Nɛbi wonu ko, “Ta anu kɛlɛ. Mari si a ma, i ni nɔ-ko sɔrɔn anu ma.”

Hɛnkilimaya-Kumɛnu 14:15

Kuma-wo-kuma fɔra kun-takolɔn ye, a si la wo la kɔnɔ hɛnkilimɛ si a miri a ta tinɛ ma fɔlɔn.

Yɛrɛmaya 14:14

Wo kɔma, Mari ya a fɔ n ye tun ko nɛbi wonu bi foninya-wɔlɔyiyɛ kɛla a tɔgɛ rɔ. A ko ale ma anu nata. A ma anu sɔ, ado a ma a sara anu na. A ko anuna ko-rayen wo, anuna yi-kɔrɔ-fɛlan wo, anuna bolo-tafɛlanyɛ wo, wo bɛɛ foninya. Anu nyɛrɛ miriya dɔrɔn, anu bi wo le wɔlɔyiya-kumɛnu fɔ-tinɛ.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Yɛrɛmaya 28:1

San kelan wo le ma, Sɛdɛkayala mansayɛ san nani nyɔgɛ, kɔni, wo karɛ lolɛ ma, Esurila den Hananaya min bi nɛbiyɛ la ka bɔ Kibiyon nyamanɛ soe do rɔ, wo kumara n ye Bato-Bɔn la. A kumara n ye saraka-masɔlɛnu anubɛ wole, mɔgɛ bɛɛ yala.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Yɛrɛmaya 28:2

Hananaya ko Mari Sɛnbɛ-Bɛɛ-Tigi, Isirɛlata Alla ko a ara Babilɔn mansɛ latinya.

Yɛrɛmaya 29:8

Mari Sɛnbɛ-Bɛɛ-Tigi, Isirɛlata Alla ko wola foninya-nɛbinu anubɛ wola bolo-tafɛlɛnnɛnu kana wo bolo labira. Wo kana wo tole masɔ anuna kiyo-kannu na.

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 13:7

Nde, Mari si a fɔ anu ye ko anu bi ko-rayirɛ anubɛ wɔlɔyiya-kumɛ minnu fɔla mɔgɛnu ye, foninyɛ le wonu na. Anu kɛnɛna anu nyɛrɛ diyala-a-la ko nde le ya a fɔ anu ye kɔnɔ foninyɛ le wo la. Nde kulu ma wonu na!

Isikiyɛli 21:23

Yerusalɛm kɛnu si tɛrɛna ile, Isikiyɛlita kumɛ la bawo anu hɛnkili latɛgɛnɛ sarama-kan ma anu tɛma nun. Kɔnɔ ila kumɛ si anu nalɔn anuna hakɛla ko ma ka anu makawandi anu don-koe biralɛ rɔ.

Isikiyɛli 21:29

“Wole Amonnu, wo ya ko-rayirɛ minnu yen, tonya sa wonu tɔ. Wo ye sinan-kumɛ minnu fɔla, foninyɛ le wo bɛɛ la. Wo wunduyogo kosɛbɛ, ado wati ye nala, wo si wota tɔrɔya-laban sɔrɔn. Faan ye nala wo kunyɛnu tɔnbɔnna a daga rɔ.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Maraka 13:6

Mɔgɔ-siyaman si na n tɔgɛ rɔ ka a fɔ ko, ‘Ale le nde la,’ ado anu si mɔgɔ-siyaman mayuwaya.

2 Tɛsalonaika 2:11

Wola ko la, Alla si kɔndɔfili-belebele lana alako mɔgɛnu ni la foninyɛ wo la.

2 Pita 2:18

Anu bi anu nyɛrɛ matɔgɔla gbɛ ko-fuyinu tɔ. Anu bi nata-yogomɛnu kɛla alako ka wonu bira minnu kisi-san ka bɔ mɔgɔ-samanɛnu tɛma.