Isikiyɛli 13:3 - ALLALA KUMƐ

³ “Nde, wo Tigi Mari ko gbalo ye foninya-wɔlɔyiya-kuma-fɔla-fuyi kɛnu kuma. Anu bi anu bilala anu nyɛrɛ miriya le fɛ. Anu bi foninya-ko-rayira-kumɛ wonu bɔla anu kunyɛ le tɔ dɔrɔn.

Isikiyɛli 13:3 Iomraidhean Croise

Hɛnkilimaya-Kumɛnu 15:14

A sɔgɛ ye hɛnkilimɛ la, a ni a kunyɛ lafa lɔnnɛ la kɔnɔ kuntan si kuntanyɛ gburu a gban rɔ.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Yɛrɛmaya 23:1

Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 23:16

Mari Sɛnbɛ-Bɛɛ-Tigi ya a fɔ wole, Yerusalɛm kɛnu ye ko wo kana wo tole sigi nɛbinu kan kɔrɔ. Nɛbinu bi wo buyi lafala foninyɛnu na. Ko-rayirɛ minnu bi nala nɛbi wonu kunyɛ rɔ, anu bi wo le fɔla, ado Mari miriya ma wo la feu!

Yɛrɛmaya 23:9

Nde, Yɛrɛmaya yisi ara tinya ka a tɛgɛ nɛbinu bara-koe rɔ. N fɛrɛ bɛɛ ye a dɔnna n ma. N bara ma iko gbɛɛtoe. N bara ma iko mɔgɛ min bara a to gbɛɛ ma. Mari anubɛ ata kuma-sɛnimɛ le ye n mala ka.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Nimisa Koe 2:14

Ila nɛbinu sa fenfen fɔla i ye fɔ foninyɛ gbansan! Anu ma sɔn ila mɔgɛnu hakɛ yirala anu na min si a ma nun, anu kana ta biralɛ rɔ. Ka wo sɔn wo hakɛ la, anu bi a mala wo bɔrɔbɔnɛ wo ye.

Isikiyɛli 13:18

I ni nde, wo Tigi Mari kuman-kan latenbi anu ma. A fɔ anu ye ko, “Gbalo ye musi wonu kuma! Anu bi fɛlɛnu nagburula ka anu kiri anu bolenu na belenna. Anu bi belenna bɛsi-fanɛnu burunna anu kun na alako anu si doinu masɔrɔn nya min. A sɔgɛ ye anu na, anu ni sɛnbɛ sɔrɔn ka mɔgɛ faga anubɛ ka mɔgɛ to a niyi la tɔnɔ-sɔrɔn-koe la.

Isikiyɛli 13:4

Fenfen ma Isirɛla mɔgɛnuna foninya-wɔlɔyiya-kuma-fɔlɛ wonu na. Anu ti ko nyinya mɔgɛ ma iko fira-wuli minnu basannɛ tonbɔn la.

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Sakaraya 11:15

Wo kɔma, Mari ya a fɔ n ye tun ko n ni don saga-fɛ-biralayɛ la iko saga-fɛ-birala-kuntan

Luka 11:40

Wole kun-takolɔnnu! Alla min ya a kɔmɛ ladan, ale le ma a burɛ fanan nadan?

Luka 11:52

“Gbalo ye wole tɔn-karan-mɔgɛnu kuma bawo da-nyin min bi hɛnkilimaya-bɔn lakala, wo ara wo dogon mɔgɛnu ma. Wole ti sɔn donna nyɔ, ado minnu bi a fɛ ka don, wo ara wonu nasɛgi!”

1 Kɔrɛnti 9:16

N bi kibara-nyimɛ lakela min kɛ, yo-wo-yo sa n bolo ka n nyɛrɛ matɔgɔ wola ko la bawo Alla le ya a fɔ n ye ko n ni wo ma, ado ni n ma kibara-nyimɛ lake, a si gbɛlɛya n kuma gben!

1 Timoti 6:4

wo tigi ara a nyɛrɛ kɔrɔbi ka wasi. A ma ko-wo-ko lɔn. A hɛnkili rabasannɛ. Wo si a ma, anu ni sɔsɔli kɛ kumɛnuna ko la. Sɔsɔlɛ wonu si na keliyɛ la min si a ma, wo si faralɛ lana anu tɛma. Wo kɔma, anu bi suila anu nyɔgɛnu ma,

2 Timoti 3:9

I kana hami anuna ko la bawo anuna ko ti ta yarɔ. Mɔgɛ bɛɛ si anuna hɛnkilibɔninyɛ yen iko a mara Yanisi anubɛ Yanbarisi la nya min.