Isikiyɛli 13:2 - ALLALA KUMƐ

² “Ile hadama-dan, fɔ i ni kuma Isirɛla foninya-wɔlɔyiya-kuma-fɔlɛnu ma minnu bi foninya-wɔlɔyiya-kumɛnu bɔla anu kunyɛ rɔ, kɔni. A fɔ anu ye ko anu ni anu tole masɔ nde, Marita kumɛ la.

Isikiyɛli 13:2 Iomraidhean Croise

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 28:14

Woletɔ wole mɔgɔ-ba-wasinte minnu bi Yerusalɛm kɛnu kun na, wo ni wo tole masɔ Mari kan la.

Aiseya 9:15

Kina anubɛ mɔgɔ-ba minnu gbiliyanɛ anu bolo, anu kunyɛ le wonu na. Anu kɔɛ le nɛbi-foninya-fɔlɛnu na.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 27:14

Foninya-nɛbi minnu bi a fɔla ko i ni murutiya Nɛbukanasa ma, i kana i wɔlɔ matɔlɔ wonu na de! Anu bi i bolo-labira-tinɛ le.

Yɛrɛmaya 27:18

Ni nɛbi-bɛrɛ le anu denu na, ado ale Marita kumɛ le ye anu da rɔ, a ko anu ni ale Alla Sɛnbɛ-Bɛɛ-Tigi madiya alako Bato-Bon-miran-toenu wo, a bolon-miran-toenu wo, a Yerusalɛm fen-kolomɛ toenu wo, wo fenfen kana ta Babilɔn nyamanɛ rɔ.

Yɛrɛmaya 37:19

Nɛbi minnu ya foninyɛ fɔ ko Babilɔn kɛnu ti na wo kɛlɛ, wonu bi mintɔ gbɛ?

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Nimisa Koe 4:13

Kɔnɔ mala saraka-masɔlɛnu anubɛ mala nɛbinu bara hakɛ kɛ min kɛ, woletɔ ma yogenu donta a burɔ. Minnu ma ko tinya, anu denu ya a ma, wonu bara faga fu!

Isikiyɛli 13:1

Mari ya a fɔ n ye ko,

Isikiyɛli 13:17

Mari ko, “Ile hadama-dan, i yɛ lata musinu ma wo tɛma minnu bi anu diyala-a-la foninya-wɔlɔyiya-kumɛnu bɔla anu kunyɛ rɔ. I ni anu makuma.

Isikiyɛli 13:3

“Nde, wo Tigi Mari ko gbalo ye foninya-wɔlɔyiya-kuma-fɔla-fuyi kɛnu kuma. Anu bi anu bilala anu nyɛrɛ miriya le fɛ. Anu bi foninya-ko-rayira-kumɛ wonu bɔla anu kunyɛ le tɔ dɔrɔn.

Isikiyɛli 16:35

“ ‘Ile Yerusalɛm yɛlan, i tole masɔ nde, Mari kan la.

Isikiyɛli 22:25

Iko yara-kɔnkɔtoe si soge lapɛrɛn nya min, Isirɛla kun-tiginu bi yanfɛ kirila mɔgɛnu kan ma wo nya na le. Anu bi mɔgɛnu fagala ka anu kɛɛ ladɛn anu nyɛrɛ ye, ado anu bi musu-siyaman tola kɛɛ rɔ.

Isikiyɛli 22:28

Iko mɔgɛ wa bɔnku-gbɛ layɛlɛ dandan ma alako ka a tinya-tinɛnu yamatogon, anuna nɛbinu kɛnɛna mɔgɔ-ba kɛnu hakɛ dogonna wo nya na le. Anu bi foninya-ko-rayirɛ kɛla. Anu bi foninya-wɔlɔyiya-kumɛnu fɔla. Anu kɛnɛna anu nyɛrɛ mala iko nde, anu Tigi Mari le kumala anu ye kɔnɔ anu foni fuss! Nde ma kuma-wo-kuma fɔ anu ye.

Isikiyɛli 34:7

“A fɔ saga-fɛ-biralɛnu ye ko anu ni anu tole masɔ nde, Marita kumɛ la.

Isikiyɛli 34:9

Anu ni anu tole masɔ!

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Maika 3:6

a ara to doni, wole nɛbi-su kɛnuna wati ni ban. Bawo wo le ye ata mɔgɛnu nabilala ko-yogomɛ la min kɛ, woletɔ a ti ko-rayirɛ kɛ wo ye tun. Wo ti ke wɔlɔyiya-kumɛnu fɔla tun.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.