Isikiyɛli 13:16 - ALLALA KUMƐ

¹⁶ Foninya-nɛbi minnu bi a fɔla nun ko yisi-kimɛ ye yan, ado yisi-kima sa kan-tinɛ wo rɔ, n bi wonu denu ma.” Ma Tigi Mari kan le kɛ la.

Isikiyɛli 13:16 Iomraidhean Croise

Aiseya 48:22

Mari ko, yisi-kimɛ sa hakɛ-kɛlɛnu ye.

Yɛrɛmaya 28:1

San kelan wo le ma, Sɛdɛkayala mansayɛ san nani nyɔgɛ, kɔni, wo karɛ lolɛ ma, Esurila den Hananaya min bi nɛbiyɛ la ka bɔ Kibiyon nyamanɛ soe do rɔ, wo kumara n ye Bato-Bɔn la. A kumara n ye saraka-masɔlɛnu anubɛ wole, mɔgɛ bɛɛ yala.

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 6:14

Mari ko wo ye wola mɔgɛnuna tɛlɛ-wɛnu dandanna iko wo si purupurɛ dandan nya min. Wo ye tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Yɛrɛmaya 8:11

Mari ko wonu bi wole, ala mɔgɛnuna tɛlɛ-wɛnu dandanna iko anu si purupurɛ dandan nya min. Anu bi tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Isikiyɛli 13:10

“Anu bi nna mɔgɛnu bɔla nta kilɛ fɛ bawo anu bi a fɔla ko yisi-kimɛ ye yan, ado yisi-kima sa kan-tinɛ wo rɔ. Ndeta mɔgɛnu bi tarɛ sɔla min ta ma gbɛlɛ. Foninya-nɛbi kɛnu bi nala bɔnku-gbɛ layɛlɛla tarɛ wo ma alako a ni kinya dɔrɔn.

Isikiyɛli 13:15

“Tarɛ wo, anubɛ minnu ya bɔnku-gbɛ layɛlɛ a ma wo, n si nta yisi-bɔɛ yira wonu na. Wo kɔma, n si a fɔ Isirɛla mɔgɛnu ye worɔ ko, ‘Tarɛ wo, anubɛ min ya bɔnku-gbɛ layɛlɛ a ma wo, anu bara ta bɛɛ-ta-tinɛ.’

Isikiyɛli 7:25

Yigi-tɛgɛ ye nala. Wo si yisi-kimɛ nyini kɔnɔ wo ti a sɔrɔn dɛɛ!