Isikiyɛli 11:7 - ALLALA KUMƐ

⁷ A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Isikiyɛli 11:7 Iomraidhean Croise

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

Yɛrɛmaya 1:13

Mari kumara n ye tun, a ko, “Yɛrɛmaya, i wara nfen yen kɛ la tun?” Nde, Yɛrɛmaya ya a fɔ Mari ye ko, “N ya yi le yen gbonsanna dagɛ rɔ. A ara to sɛ, a ra ni wuya n bara la ka bɔ kantɔ-wara la.”

Isikiyɛli 11:11

Soe kɛ ti wo latanka iko dagɛ ye soge latankala tɛ ma nya min. Wole Isirɛla mɔgɛ minnu bi Isirɛla nyamanɛ kan-tinɛ bɛɛ rɔ, a ko a si wo tɔrɔ wo dama rɔ.

Isikiyɛli 11:3

Anu bi a fɔla ko, ‘A ti mɛ tun, ma ara bon-sɔɛ dabira. Soe kɛ mani de iko sogo-te-dagɛ, ado male mani de a rɔ iko soge. Kɔnɔ hali wo, dagɛ ye ma lakananna tɛ ma.’

Isikiyɛli 11:9

A ko a si wo labɔ soe kɛ burɔ ka wo don sibolo-gbɛrɛnu bolo. A ara wo faga-koe latɛgɛ,