Isikiyɛli 11:5 - ALLALA KUMƐ

⁵ Marita Sɛnbɛ donta nde, Isikiyɛli rɔ. A ko n ni ata kilayɛ kɛ latenbi wole, Isirɛla mɔgɛnu ma ko a ya wo da le lɔn, ado a ya wo kɔntɔ-koenu fanan lɔn.

Isikiyɛli 11:5 Iomraidhean Croise

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Isikiyɛli 2:2

N tole tora kumɛ wo la, Marita Sɛnbɛ donta n tɔ ka n nasɔ. N tora kuman-kan wo lamɔɛnna.

Isikiyɛli 2:7

Nde ye min fɔla i ye, i ye tala wo le fɔla anu ye dɔrɔn, a biranɛ anubɛ a birabɛlɛ anu bolo bawo anu murutiyanɛ le.

Isikiyɛli 20:32

Anu bara a latɛgɛ ko anu ni ma iko sibolo-gbɛrɛnu ka kɔlɔmanu anubɛ kurinu kɔ. Kɔnɔ wo ti ma mumɛ!

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Isikiyɛli 3:11

I na-kelen-nyɔgɛ minnu bi biralɛ rɔ i fɛ Babilɔn nyamanɛ rɔ, ta wonu bara. Nde, wo Tigi Mari Alla ara kumɛ minnu don i da rɔ, i ni ta wonu fɔ anu ye, a biranɛ anubɛ a birabɛlɛ anu bolo.”

Isikiyɛli 3:24

kɔnɔ Marita Sɛnbɛ donta n tɔ ka n nasɔ. Mari ya a fɔ n ye ko, “Ta bɔn la. I ni dɛ rasɔgɔ i ma.

Isikiyɛli 3:27

N ba kuma i ye tun, n si a ma, i ni kuma. Nde, wo Tigi Mari Alla ara kumɛ min fɔ ile ye, i si na wo fɔ anu ye. Donu si anu tole masɔ i la, donu si anu ban ila kumɛ la bawo mɔgɔ-murutiyanɛ le anu na.”

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Maraka 2:8

Yisa ya anu miriyanu lɔn nkɛkuna, a ya a fɔ anu ye ko, “Wo ye wo mirila wo nya na kama?

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

Kɛwɔlɛnu 10:44

Pita ye kumala tumɛ min, min bɛɛ tole masɔnɛ wo kumɛ la, Allata Ni-Sɛnimɛ yigira wonu dama kuma.

Kɛwɔlɛnu 11:15

Nba, n wulita kumala tumɛ min, Allata Ni-Sɛnimɛ yigira anu fanan kuma iko a yigira male kuma nya min fɔlɔ-nun.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Yemesi 3:6

Ma dɛ mani de iko ta-mɛlan. A dɔgɔ ma fɛrɛ rɔ kɔnɔ a si ta-belebele tugu. A lafanɛ ko-yogomɛ la. A si ko-yogomɛ nyɛnsɛn kan tinɛ bɛɛ rɔ! A si tɛ tugu mala nimayɛ kɛ la nya bɛɛ ma iko tɛ min bi nala ka bɔ nyahanama nyɛrɛ rɔ.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 10:6

Tiriyante wo rɔ, Marita Sɛnbɛ si yigi i kuma. I fanan si kofu anu ma dɔn-kɛ anubɛ wɔlɔyiya-kuma-fɔɛ rɔ iko anu denu. Ila ko-ladan-nya bɛɛ si yɛlɛma. Wo le ye a yirala i la ko Mari le wara i yabɔ ka i ma mansɛ la.