Isikiyɛli 10:4 - ALLALA KUMƐ

⁴ Marita wan-takanɛ bɔra nima-fan wonu kuma ka ta a sɔ Bato-Bɔn don-dɛ la. Wo kɔma, banda-fin-gbɛ tara Bato-Bɔn lafa pen! Kata wo mumɛ burɛ rafara Allata wan-takɛ la waran!

Isikiyɛli 10:4 Iomraidhean Croise

Bɔ-Koe-Iyipiti 40:34

Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Bɔ-Koe-Iyipiti 40:35

Wo le ya a ma, Musa ma sisi donna Fani-Bɔn la wo wati rɔ.

Aiseya 6:1

Mansa Yusaya ya so-sɛgi-kɛ san min na, n ya Mari yen ko-rayirɛ rɔ. A mayiginɛ ala waganɛ rɔ san ma, ado a gbiliyanɛ. Ala mansaya-duruki ya a Bato-Bɔn lafa pen!

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Isikiyɛli 10:18

Wo kɔma, Marita wan-takani-belebele bɔra a Bato-Bɔn don-dɛ la. A ya a mayɛlɛ nima-fen nanɛ kɛnu kuma.

Isikiyɛli 43:2

N ke nyɔ, n ya Isirɛla mɔgɛnuta Allata wan-takani-belebele yen nala ka bɔ tele-bɔɛ wara la. Alla kuman-kan koloyanɛ iko wasa-belebele-tugu-kan. Waan rakara dugu-kole mumɛ kuma waran!

Isikiyɛli 43:5

Marita Sɛnbɛ ya n bi ka ta n na Bato-Bon-lu-kole ma. N ya Bato-Bɔn lafanɛ yen Marita gbiliyɛ la.

Isikiyɛli 44:4

Tenbi-bolɔn min bi kantɔ-wara la, kei wo ya n bi ka n nabɔ nyɔ ka ta n na Bato-Bɔn yakɔrɔ. N ya n yɛ lata ka Mari Bato-Bɔn mafɛlɛn. N ya a yen, a lafanɛ Marita waan la pen! N ya n naburun a ma dugi ma.

Isikiyɛli 9:3

Wo wati rɔ, Isirɛlata Allata wan-takanɛ bɔra melikala muninyɛnu kuma, a ye kan min nun. A tara Bato-Bɔn don-dɛ la. Sɛbɛli-kɛ-fannu bi linɛn duruku-tigi min bolo, Mari ya a fɔ wo ye ko,

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Yilan-Yilan Koe 16:19

Wo kɔma, Kora ya Isirɛla mɔgɔ damasi kele ka anu nadɛn Musa anubɛ Aruna yakɔrɔ Marita Bɔn don-dɛ la. Kakɛ wo rɔ, anu bɛɛsi ya Marila ta-waan yen anu yɛ la.

Lankɛnimayɛ 15:8

Allata gbiliyɛ anubɛ ata sɛnbɛ ya a Bato-Bɔn lafa ta-sisi la. Mɔgɔ-wo-mɔgɔ ti ke donna a Bato-Bɔn wo la ha melika wɔrɔnfilɛta fitina wɔrɔnfilɛ da ni fa.