Isikiyɛli 10:2 - ALLALA KUMƐ

² Linɛn-kurɛ donnɛ kei min kan na, Alla ya a fɔ wo ye ko, “A kian minnu bi nima-fan kɛnu kɔrɔ, ta wonu tɛma. Ta-wɔlɔn minnu bi nyɔ rɔ, i ni i bole lafa wonu na ka anu fui soe burɔ.” N yɛ gbalanɛ tora kei wo la ha a kera.

Isikiyɛli 10:2 Iomraidhean Croise

2 Mansɛnu 25:9

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yaburi 140:10

Alamɛ ta-wɔlɔn rawuyara anu ma. I ni a ma, anu na ni fili denka-rayan-bɛ rɔ, anu ti ke bɔla min tɔ.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Bɔ-Koe-Iyipiti 25:18

Wo ni sɛnɛ gbesi ka melika filala muninyɛ ladan minnu kanbannu si kenkirɛ kuma tuwa. Wonu si to a da-latogɔn kuma a kun da filɛ la. Wo ni anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! Wo ni melikala muninyɛ anubɛ kenkirɛ da-latogɔn wonu nadan nya-kun-kelen.

Aiseya 30:30

Mari si a ma, bɛɛ ni a nyɛrɛ kuman-kan-makilannɛ lamɔɛn. Bɛɛ si ata diminya-sɛnbɛ lɔn. A ta-mɛlɛn wo, a fɔn-digidigi-wa wo, a banda-kolo-wa wo, a gbɔrɔndɔ-yi wo, bɛɛ si wo yen a yɛ la.

Isikiyɛli 1:13

Nima-fen nanɛ kɛnu tɛma, fan do ye malanna iko kala-mɛlan. Wo ye tola ta-ni-sɛgi kɛla anu tɛma. A wa a ma bilobilo, san ni a nyin masɔgɛ.

Isikiyɛli 10:16

anu kin nanɛ wonu bi anu kɔrɔ. Anu tenbi anu kanban nafulenna gban tinɛ, anubɛ anu kin nanɛ kɛnu denu.

Isikiyɛli 9:11

Wo kɔma, sɛbɛli-kɛ-fannu bi linɛn-duruku-tigi min bolo, wo nara a dantɛgɛ Mari ye ko, “N bara a ma iko i ya a fɔ n ye nya min.”

Daniyɛli 7:9

“N bi wo fanan mafɛlan kun na, anu ya mansaya-waganɛnu nabɔ ka wonu sigi-bole rabɛn iko a bɛnta, anu ni sigi nya min. N ya Habadan-Tigi-Alla yen. Wo tara a mayigi waganɛ wo kelen tɔ. Ala kurɛnu gbɛnɛ perr! A kunyɛ gbɛnɛ ha ka gbɛ! Ala waganɛ wo, kiannu bi a la iko kirindi. Waganɛ wo ye malanna iko ta-mɛlan. Waganɛ wo kiannu silɛɛ ye tiila a ma iko ta-mɛlan.

Lankɛnimayɛ 8:5

Wo kɔma, melika wo ya fen-suma-diyama-dagɛ wo bi. A ya dagɛ wo lafa tɛ la saraka-bɔ-tinɛ kuma ka a lakɛ dugu-kole kuma. San-sɛrɛn-kan anubɛ banda-tugu-kan bɔra. Bandɛ ya a nyin masɔgɔ. Dugi yɛrɛyɛrɛnta.