Isikiyɛli 1:4 - ALLALA KUMƐ

⁴ N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Isikiyɛli 1:4 Iomraidhean Croise

1 Mansɛnu 19:11

Mari ya a fɔ Nɛbi Ilaya ye ko, “Bɔ faran la. I ni i sɔ n yakɔrɔ kɔnkɛ kuma bawo n ba tenbi, i ni n mafɛlɛn.” Mari ya fɔn-belebele-wɛ lana. Kɔnkɛnu tafarata. Kurinu tatiira kɔnɔ Mari sa fɔnyɔ wo rɔ nun. Fɔnyɔ wo ratora min kɛ, dugi yɛrɛyɛrɛnta. Kɔnɔ Mari sa dugi yɛrɛyɛran wo rɔ nun.

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

Yobu 38:1

Kɛ bɛɛ tenbinɛ, Mari nyɛrɛ kumara Yobu ye fɔn-digidigi-wɛ rɔ.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Bɔ-Koe-Iyipiti 9:24

Woletɔ banda-kole anubɛ sangbalamɛ tora yigila ka yogoya. Kebi Iyipiti ko dabirara, wo nyɔgɔn ma ke bɛ nyamanɛ wo rɔ.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 21:1

Sarakanɛ le kɛ la Babilɔn wara-koe rɔ. Kasarɛ si na firifirila iko tɔnkɔlɔn ka bɔ nyamani-makilannɛ do rɔ.

Yɛrɛmaya 23:19

Marita tɔrɔyɛ si tonkore sɔ karagbɛlɛ kɛnu na iko banda-fin-fɔnyɔ. Ata fondo-bɔɛ si karagbɛlɛ wonu kunyɛ ratii pɔ,

Yɛrɛmaya 25:32

Mari Sɛnbɛ-Bɛɛ-Tigi ko kasarɛ si to bɔla nyamanɛ do rɔ ka ta nyamanɛ do rɔ. A si ta iko banda-fin-fɔn-bɛ ha ka ke wula-yanna-nyamanɛnu ma duninya bɛɛ rɔ.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 4:6

Wo ni tamasere layɛlɛ san ma min si a ma, mɔgɛnu ni Yerusalɛm kilɛ bira. Wo ni wo buri wola kanan-koe la. Wo kana a makɔni bawo a ko a ye kasarɛ lanala ka bɔ kantɔ-wara la. A ko kasarɛ wo si ma kasara-belebele la.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Isikiyɛli 1:27

Min siginɛ waganɛ wo rɔ, ka a bi a tɛmɛ ma ka yɛlɛ, wo ye malan-malanna iko sila-yesinɛ. Ka a bi a tɛmɛ ma ka yigi, wo manɛ iko tɛ,

Isikiyɛli 13:11

Ile hadama-dan, a fɔ foninya-wɔlɔyiya-kuma-fɔlɛ wonu ye ko anuna tara-mabɛnnɛ wo si bui. A fɔ anu ye ko n si banda-belebele-wɛ lana tarɛ wo ma. Banda-kole si a yoro. N si fɔnyɔ latugu a ma.

Isikiyɛli 13:13

“Nde, wo Tigi Mari ko nta yisi-bɔɛ si fɔn-belebele-wɛ latugu tarɛ wo ma. Wo kɔma, n ni banda-belebele-wɛ lana. N si banda-kole fanan nabui tarɛ wo ma. A ni yigi a rɔ biribiri!

Isikiyɛli 43:3

N ya ko-rayirɛ kɛ le su yen iko n ya min yen wo tumɛ Alla nanɛ Yerusalɛm tinya-tinɛ, ado n ya wo su yen Kiba bɛ dafɛ wulɔn. N ya n naburun a ma dugi ma.

Isikiyɛli 8:2

N ya n yɛ layɛlɛ san ma. N ya hadama-danla muninyɛ yen ta-mɛlan rɔ. Ka a bi a tɛmɛ ma ka yigi, wo manɛ iko tɛ. Ka a bi a tɛmɛ ma ka yɛlɛ, wo ye malan-malanna iko sila-yesinɛ.

Sakaraya 6:6

So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.

Hiburunu 12:29

ado mata Alla mani de iko tɛ min si fan bɛɛ mintan gburr!

Lankɛnimayɛ 1:15

A kiannu bi malan-malanna iko sila-laleenɛ min kaganɛ. A kuman-kan manɛ iko wasa-sɛnbɛlamɛ.