Isikiyɛli 1:22 - ALLALA KUMƐ

²² Fan do rafulennɛ nima-fan kɛnu kuma iko telekɔnɛ. Wo ye malan-malanna iko tele sɔnɛ tenbi silɛɛ la. Wo fanan makilanta.

Isikiyɛli 1:22 Iomraidhean Croise

Yobu 37:22

Allata wan-gbiliyanɛ si bɔ kantɔ-wara la. Ata kabana-ko-wɛ ye ma rakilanna.

Bɔ-Koe-Iyipiti 24:10

Anu ya anuta Alla yen. Alla sɔra kan min, anu ya nyɔ fanan yen, a matɛgɛnɛ iko safaira. Safaira wo, kuru-da-gbɛlɛ do le wo la min matɛgɛnɛ iko san-kolo-bilolamɛ.

Isikiyɛli 1:25

Fan min tafulennɛ anu kuma wo la, n ya kuman-kan do lamɔɛn ka bɔ fan wo kuma kɔnɔ anu kanbannu namɔrɔmɔrɔnɛ wo wati rɔ.

Isikiyɛli 1:26

N ya fan do yen fan wo fanan kuma nyɔ rɔ. Wo mani de iko mansaya-waganɛ min nadannɛ kuru-da-gbɛlɛ-bilolamɛ la. Min siginɛ waganɛ wo rɔ, wo mani de iko hadama-dan.

Isikiyɛli 10:1

Fan min bi nima-fannu kuma iko telekɔnɛ, n ya n yɛ lata nyɔ rɔ. Fan do ye wo kuma min manɛ iko mansaya-waganɛ. Waganɛ wo ladannɛ kuru-da-gbɛlɛ-bilolamɛ la.

Isikiyɛli 10:20

Feda, n ya ale nima-fen kelan kɛnu denu yen Isirɛlata Alla tontɛ kɔrɔ Kiba bɛ dafɛ wulɔn.

Lankɛnimayɛ 21:11

A ye malan-malanna Allala gbiliyɛ bolo. Soe wo ye malan-malanna iko kuru-da-gbɛlɛ min tɔgɛ yasipa. A gbɛnɛ iko daimon.

Lankɛnimayɛ 4:3

A yakɔrɛ ye malan-malanna iko kuru-da-gbɛlɛ minnu tɔgɔ yasipa anubɛ karinɛliyan. San-duri ye mansaya-sigi-fan wola foolɛ bɛɛ rɔ. Wo mafɛlɛn-nya manɛ iko kuru-da-gbɛlɛ min tɔgɔ ɛmarɔdi.

Lankɛnimayɛ 4:6

Fan do ye mansaya-sigi-fan wo yakɔrɔ min manɛ iko dalɛ. Wo gbɛnɛ iko kuru-da-gbɛlɛ. Dali-fen nani ye mansaya-sigi-fan tɔnkɔn nani bɛɛ rɔ. Anu yarɔ anubɛ anu kɔma, ya gbansan!