Isikiyɛli 1:10 - ALLALA KUMƐ

¹⁰ Anu yakɔrɔ nanɛ kɛnu, anu yarɔtɛ, hadama-den-yakɔrɛ le wo la. Anu bolo-nyimɛ waralɛ, yara-yakɔrɛ le wo la. Anu bolo-maran waralɛ, tura-yakɔrɛ le wo la. Anu kɔmɛ, kokɛ-yakɔrɛ le wo la.

Isikiyɛli 1:10 Iomraidhean Croise

1 Ko-Kɔrɔta-Karan 12:8

Kɛlɛ-nyana denu bi kɛnu na ka bɔ Kadi bɔnsɔn rɔ. Dawuda ye kan-tina-latankanɛ wulɛ rɔ tumɛ min, anu nara kofu Dawuda ma nyɔ. Wonu si kɛlɛ kɛ nɛgɛ-walan anubɛ tanbɛ la. Anu makilannɛ iko yarɛ. Anu bi gbanna kɔnkɛ kuma iko sensɛ.

Yobu 39:27

Kokɛ ti ta a nyagan sa san ma, fɔ a wa i makɔni, i ni a fɔ a ye, wa?

Hɛnkilimaya-Kumɛnu 14:4

Ni sara-ninki sa mɔgɛ min bolo, wola bira-belebele lafani ma dɔn-fan la. Sara-ninkita-sɛnbɛ si a ma, dɔn-fan ni boroko-baraka.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Aiseya 46:8

Mari ko wole min bara wo kan-kɔ sɔ a la, wo ni wo hɛnkili lamiri kɛ ma. Wo ni wo miri tun, ale Mari ara min ma.

Isikiyɛli 1:6

kɔnɔ a bɛɛ kunyɛ lafoonɛ yakɔrɔ nani-nani na, anu kanban fanan nani-nani.

Isikiyɛli 10:14

Nima-fan kɛ bɛɛ yakɔrɔ nani-nani. Anu yakɔrɛ kelan, turɛ. Anu yakɔrɛ fila nyɔgɛ, hadama-dan. Anu yakɔrɛ sawa nyɔgɛ, yarɛ. Anu yakɔrɛ nani nyɔgɛ, kokɛ.

Isikiyɛli 41:19

Hadama-den yakɔrɛla muninyɛ ye tɛɛn-kuri wara la. Yara yakɔrɛla muninyɛ ye tɛɛn-kuri doi fanan bara la. Dandan-burɛ lafoonɛ wo nya na le pit

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Yilan-Yilan Koe 2:10

Mari ko, “Nna bɔn dugula wara la, bɔnsɔn filɛ minnu bi nyɔ, wonu bi Rubɛn bɔnsɔn kɔrɔ. Rubɛn bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le kɛnu na, Rubɛn bɔnsɔn anubɛ a kebilɛnu. Anuna kun-tigi le Sɛdiyala dan Ɛlisa la. Rubɛn bɔnsɔn yatɛ bɛnta mɔgɔ waga bi-nani, mɔgɔ waga wɔrɔ ani mɔgɔ kɛmɛ loli (46,500) ma. “Min tugunnɛ Rubɛn bɔnsɔn la, wo le Simiyɔn bɔnsɔn anubɛ a kebilɛnu na. Anuna kun-tigi le Suri-Sadaila dan Sɛlumiyɛli la. Simiyɔn bɔnsɔn yatɛ bɛnta mɔgɔ waga bi-loli, mɔgɔ waga kɔnɔntɔ ani mɔgɔ kɛmɛ sawa (59,300) ma. “Min tugunnɛ Simiyɔn bɔnsɔn la, wo le Kadi bɔnsɔn anubɛ a kebilɛnu na. Anuna kun-tigi le Duwɛlila dan Iliyasafu la. Kadi bɔnsɔn yatɛ bɛnta mɔgɔ waga bi-nani, mɔgɔ waga loli, mɔgɔ kɛmɛ wɔrɔ ani mɔgɔ bi-loli (45,650) ma. “Bɔnsɔn sawa kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga bi-loli, mɔgɔ waga kelen, mɔgɔ kɛmɛ nani, ani mɔgɔ bi-loli (151,450) ma. Anu tenbi tala tagama rɔ tumɛ min, bɔnsɔn sawɛ kɛnu fanan si bila Yuda fɛ.

Yilan-Yilan Koe 2:18

“Nde, Marita bɔn tele-yigi wara la, bɔnsɔn filɛ minnu bi nyɔ, wonu bi Ifɛrɛm bɔnsɔn kɔrɔ. Ifɛrɛm bɔnsɔn ya wonu dafa bɔnsɔn sawa ma. Bɔnsɔn sawɛ wonu nakofunɛ, wo le Ifɛrɛm bɔnsɔn anubɛ a kebilɛnu na. Anuna kun-tigi le Amihudila dan Ilasama la. Ifɛrɛm bɔnsɔn yatɛ bɛnta mɔgɔ waga bi-nani ani mɔgɔ kɛmɛ loli (40,500) ma. “Min tugunnɛ Ifɛrɛm bɔnsɔn la, wo le Manasa bɔnsɔn anubɛ a kebilɛnu na. Anuna kun-tigi le Pɛdasala dan Kamɛliya la. Manasa bɔnsɔn yatɛ bɛnta mɔgɔ waga bi-sawa, mɔgɔ waga fila ani mɔgɔ kɛmɛ fila (32,200) ma. “Min tugunnɛ Manasa bɔnsɔn la, wo le Bɛnyamɛ bɔnsɔn anubɛ a kebilɛnu na. Anuna kun-tigi le Kidiyɔnila dan Abidan la. Bɛnyamɛ bɔnsɔn yatɛ bɛnta mɔgɔ waga bi-sawa, mɔgɔ waga loli ani mɔgɔ kɛmɛ nani (35,400) ma. Bɔnsɔn sawɛ kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga segin ani mɔgɔ kɛmɛ kelen (108,100) ma. Anu tenbi tala tagama rɔ tumɛ min, wonu si bila Lifayi mɔgɛnu fɛ.”

Yilan-Yilan Koe 2:25

Mari ko, “Nta bɔn kantɔ-wara la, bɔnsɔn filɛ minnu bi nyɔ, wonu bi Dan bɔnsɔn kɔrɔ. Dan bɔnsɔn wo le ya anu dafa bɔnsɔn sawa ma. Bɔnsɔn sawɛ wonu nakofunɛ, wo le Dan bɔnsɔn anubɛ a kebilɛnu na. Anuna kun-tigi le Amisadaila dan Ehayisa la. Dan bɔnsɔn yatɛ bɛnta mɔgɔ waga bi-wɔrɔ, mɔgɔ waga fila ani mɔgɔ kɛmɛ wɔrɔnfila (62,700) ma. “Min tugunnɛ Dan bɔnsɔn la, wo le Asɛra bɔnsɔn anubɛ a kebilɛnu na. Anuna kun-tigi le Akaranla dan Pegiyɛli la. Asɛra bɔnsɔn yatɛ bɛnta mɔgɔ waga bi-nani, mɔgɔ waga kelen ani mɔgɔ kɛmɛ loli (41,500) ma. “Min tugunnɛ Asɛra bɔnsɔn la, wo le Nafatali bɔnsɔn anubɛ a kebilɛnu na. Anuna kun-tigi le Inala dan Ahaira la. Nafatali bɔnsɔn bɛnta mɔgɔ waga bi-loli, mɔgɔ waga sawa ani mɔgɔ kɛmɛ nani (53,400) ma. Bɔnsɔn sawɛ kɛnu nakofunɛ, wo le bɛnta mɔgɔ waga kɛmɛ kelen, mɔgɔ waga bi-loli, mɔgɔ waga wɔrɔnfila ani mɔgɔ kɛmɛ wɔrɔ (157,600) ma. Anu tenbi tala tagama rɔ tumɛ min, anu si bila Dan bɔnsɔn fɛ.”

Yilan-Yilan Koe 2:3

“Nta Fani-bɔn tele-bɔɛ wara la, bɔnsɔn fila minnu bi nyɔ, wonu bi Yuda kɔrɔ. Yuda bɔnsɔn ya wonu dafa bɔnsɔn sawa ma. Minnu ya anuna fani-bɔnnu sɔ nyɔ wara la, wo le Yuda bɔnsɔn anubɛ a kebilɛnu na. Anuna bɔnsɔn-kun-tigi le Aminadabula dan Neson na. Yuda bɔnsɔn yatɛ bɛnta mɔgɔ waga bi-wɔrɔnfila, mɔgɔ waga nani ani mɔgɔ kɛmɛ wɔrɔ (74,600) ma. “Min sigira Yuda bɔnsɔn dafɛ, wo le Isakari bɔnsɔn anubɛ a kebilɛnu na. Anuna bɔnsɔn-kun-tigi le Suwala dan Natanɛli la. Isakari yatɛ bɛnta mɔgɔ waga bi-loli, mɔgɔ waga nani ani mɔgɔ kɛmɛ nani (54,400) ma. “Min tugunnɛ Isakari bɔnsɔn la, wo le Sɛbulɔn bɔnsɔn anubɛ a kebilɛnu na. Anuna bɔnsɔn-kun-tigi le Hilɔnla dan Ɛliyabu la. Sɛbulɔn bɔnsɔn yatɛ bɛnta mɔgɔ waga bi-loli, mɔgɔ waga wɔrɔnfila ani mɔgɔ kɛmɛ nani (57,400) ma. Yuda bɔnsɔn anubɛ Isakari bɔnsɔn anubɛ Sɛbulɔn bɔnsɔn, wo mɔgɛ dama lakofunɛ bɛnta mɔgɔ waga kɛmɛ kelen, mɔgɔ waga bi-segin, mɔgɔ waga wɔrɔ ani mɔgɔ kɛmɛ nani (186,400) ma. Ni anu bi tala tagama rɔ tumɛ min, bɔnsɔn sawɛ kɛnu si ta Isirɛla mɔgɛ bɛɛ yarɔ.”

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Lankɛnimayɛ 4:7

Dali-fen fɔlɔtɛ manɛ iko yarɛ. A fila nyɔgɛ manɛ iko turɛ. A sawa nyɔgɛ manɛ iko hadama-den-yakɔrɛ. A nani nyɔgɛ manɛ iko bibi min kanban lafulennɛ.

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”

Kɛlɛ-Kurugbɛnu 14:18

Wulɔn wo wurɛ la, mɔgɔ bi-sawɛ wonu nara Samsin wara ka a fɔ a ye ko, “Nfen sufa di liyi ko? Nfen sufa ragbɛlɛ yarɛ ko?” Samsin ya a fɔ anu ye ko, “Ni wo ma nna nyɛnkumɛ kɛ manugu-nɛgɛ nun, wo ti ke tulɛ kɛ bɔla a dɛ la nun, wo ti nna tili kɛ kɔrɛ lɔn nun muk!”