Hoseya 9:6 - ALLALA KUMƐ

⁶ Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Hoseya 9:6 Iomraidhean Croise

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

Hɛnkilimaya-Kumɛnu 24:31

N ya a taran, sɛnɛ wo lafanɛ wɔnɛ anubɛ binyɛ la. Sansan min donnɛ a bolo nyɔ, wo ara tinya.

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 19:13

Mɔgɔ-ba minnu bi Sowa soe burɔ, kun-takolɔn le wonu na. Minnu bi Mɛmfisi soe burɔ, wonu bara baya. Wonu bɛnta ka mɔgɛnu sɔ kila-latelennɛ rɔ kɔnɔ anu ma wo ma de fɔ ka mɔgɛnu bila kila-radunɛ fɛ.

Aiseya 27:12

Wo tele-nyɛrɛ rɔ, ka a bi Yufereti bɛ ma ha ka ta a sigi Iyipiti dan la, Mari ko a si ala mɔgɛnu tɔnbɔn kelen-kelenyɛ ma iko mɔgɛ ye dɔn-fan tɔnbɔnna a fofe ya la nya min.

Aiseya 32:13

Fenfen sa nyɔnu tɔ wɔnɛ kɔma. Minnu sewanɛ nun anuna bɔnnu na wo, minnu sewanɛ anuna soenu tɔ nun wo, wo ni di wonuna ko la.

Aiseya 34:13

Wɔnɔ-sufa bɛɛ si fɛrɛn kun-tiginuna bɔn la anubɛ tarɛ mininɛ soe minnu ma. Fɔ sulukinu anubɛ gbingbinnyagan denu dɔrɔn si taran nyɔ.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Aiseya 7:23

“Wo wati wa ke tumɛ min, a ko ki-fan min kelen-kelennamɛ si wodi-gbɛ-gbu waga kelen-kelen sɔrɔn, wonu si ma wɔnɔ-gbansan na.

Yɛrɛmaya 2:16

Iyipiti kɛ minnu bɔra Mɛmfisi anubɛ Tapanisi soenu burɔ, Mari ko wonu bara wole, Isirɛlata mɔgɛnuna gbiliyɛ anubɛ sɛnbɛ bɔ wo ma feu!

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Yɛrɛmaya 44:13

Iko kɛlɛ anubɛ kɔnkɛ anubɛ kiraya-fitinɛ ya Yerusalɛm kɛnu tɔrɔ nya min, a ko wole min siginɛ tuinteyɛ ma Iyipiti yan, a ye wo tɔrɔla wo nya na le.

Yɛrɛmaya 46:14

nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 46:19

Iyipiti kɛnu ni anuna mirannu mabɛn bawo anu biratoe le ka ta anu na. Mɛmfisi soe si ma wula-da-rakolɔn la mɔgɔ sa kan min.

Isikiyɛli 30:13

“Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Isikiyɛli 30:16

N ba tɛ tugu Iyipiti nyamanɛ la, Pɛlusiyam soe tɔrɔyanɛ si to dumɛ bolo. N si Tibisi soe tarɛ labui fugbu! Yi si soe wo yamatogon.

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Hoseya 11:11

Wo burimatoe si na ka bɔ Iyipiti anubɛ Asiriya nyamanɛ rɔ iko kangbɔɛ. N si a ma, bɛɛ ni sigi a halala-soe rɔ. Nde, Mari nyɛrɛ kan le kɛ la.”

Hoseya 2:6

Ka a tɛgɛ wo le ma, n bi wɔnɔ-sansan donna a ma. N si sansan don ka kilɛ tɛgɛ a ma.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Sɛfanaya 1:11

Minnu bi soe ya-layigi ma, anu si yilayɛ kɛ kan min, anu ni di anu sɛbɛ-kuna-wɛ la bawo yilanu si ban fagala.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.