Hoseya 9:4 - ALLALA KUMƐ

⁴ Wo wa ke nyɔ, wo ti ke saraka-wo-saraka bɔla tun Mari ye. Nyɔ-sarakɛnu ti a hɛnɛ feu, ado nyɔ-dɔn-fan si ma iko mɔgɛnu bi min dɔnna saya-koe kuma. Wo si ma kɔsɔ. Wo bu-rakɛ-fan le wo la dɔrɔn, ado dɔn-fan wo ti ma sarakɛ la Mari Bato-Bɔn la.

Hoseya 9:4 Iomraidhean Croise

Bɔ-Koe-Iyipiti 29:40

Dɛgɛ-munku-hakikɛ pani-kunbɛ-nya kelen bi ka a ramaga tulu-hakikɛ kilasi fila la ka minni-fan kilasi fila bi ka wonu kɛ tɛ rɔ sɔgɔma-saraka fɔlɔtɛ wo fɛ.

Bɔ-Koe-Iyipiti 40:23

A ya biredinu sa tebulu wo kuma iko Mari ya a fɔ a ye nya min.

Aiseya 57:6

Wo ye kuru-manunkunɛnu kɔla. Wo ye minni-sarakɛnu nabonna kuri wonu ma ka dɔn-fen-kun-fɔlɛ-sarakɛnu di anu ma. Wo ni wo miri ko kɛnu wara-ko si a ma, Mari ni wo makoto, wa?

Aiseya 66:3

Minnu bi turɛ fagala sarakayɛ la, wonu manɛ ale Mari yala iko mɔgɔni-gbu-fagalɛ. Minnu bi sagɛ fagala sarakayɛ la wonu manɛ fanan iko minnu bi wuli-kan kerila. Minnu bi fui-fan mala sarakɛ la wonu mani de iko minnu bi ale Mari kɔla kɔsɔ-yele rɔ. Minnu bi isɛnti mintanna sarakayɛ la wo, minnu bi bɛsɛ kɔla wo, fen kelen de wonu na ale Mari yala. Mɔgɛ kɛnu bi anu nyɛrɛ sɔndɔmɛ le fɛ, aleta ma de! Anu bi kisimiriya-koe min kun na, wonu di anu ye kosɛbɛ!

Yɛrɛmaya 16:7

Mɔgɔ-wo-mɔgɔ ti na saya-kinɛ la wo ye. Hali min si yi di wo ma, wo ti taran. Hali a ya a taran, mɔgɛ na ani fila a fa bɔra a kuma, a manugu-nɛgɛla ti sɔrɔn.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Isikiyɛli 24:17

ado mɔgɔ-wo-mɔgɔ kana i yen yɛlɛla a ma fekufeku! I kun-nakolɔn kana to anubɛ i kin-takolɔn kana to fanan iko mɔgɛnu si a ma nya min saya-di-kɛ tinɛ. Mɔgɔ kana a lɔn defan ko i ye di-kɛ le kun na. I kana i yakɔrɛ dogon. I kana saya-di-kɛlɛnuta fen dɔn.”

Isikiyɛli 24:22

Wo kɔma, a ko wole fanan si a ma iko nde ara a ma nya min kɛ la. Wo ti wo yakɔrɔ dogon. Wo ti saya-di-kɛlɛnuna fen dɔn.

Daniyɛli 1:8

Daniyɛli ya a latɛgɛ a nyɛrɛ ma ko a ti a nyɛrɛ latinya mansɛla dɔn-fan wonu dɔn tinɛ. Woletɔ a ya anu karan-mɔgɔ Asipinasi madiya alako ale kana mansɛla dɔn-fan dɔn anubɛ ka ala baan min.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Yowɛli 1:13

Wole saraka-masɔlɛ minnu bi wɔlila saraka-mintan-tinɛ, wo ni kasa-kurɛnu don ka di biribiri! Wo ni to mata Alla Bato-Bɔn la ka ki dila kudu, bawo fui-fan anubɛ minni-fen, wonu fenfen sa nala Bato-Bɔn la tun.

Yowɛli 1:9

Mala dɛgɛ-munku-sarakɛnu anubɛ mala minni-sarakɛnu bara ban. Saraka-masɔlɛnu fanan bi dila bawo saraka-wo-saraka sa Mari anubɛ a Bato-Bɔnla ko la tun!

Yowɛli 2:14

Tumado, wota Mari Alla si a miriya yɛlɛma ka kinikini wo ma alako wola fui-fannu anubɛ wola ki-fannu si sabati nya min. Wo si a ma, wo ni ke dɛgɛ-munku-sarakɛ anubɛ minni-sarakɛnu dila a ma tun.

Saraka-Masɔlɛnuta Tɔnnu 17:11

bawo nima-fan bɛɛ niyi ye a yele rɔ. Woletɔ Mari nyɛrɛ ya a fɔ ko anu ni kolo-fannu yele bi ka a kɛ saraka-mintan-tinɛ ma. Wo si anu hakɛ bɔ anu ma. Niyi ye yele wo min tɔ, wo si mɔgɛnu hakɛ bɔ anu ma.

Saraka-Masɔlɛnuta Tɔnnu 21:21

Fɛɛ ye mɔgɛ minnu na Aruna bɔnsɔn rɔ, Mari ko wonu kana saraka-masɔ-wɔlɛ kɛ.

Saraka-Masɔlɛnuta Tɔnnu 21:6

Mari ko saraka-masɔlɛnu sɛninyanɛ ni to. Anu kana ko-wo-ko ma min si Mari tɔgɔ lafɛya bawo anu bi sarakɛnu dila Mari ma. Fɔ wo sɛninyanɛ ni to.

Saraka-Masɔlɛnuta Tɔnnu 21:8

Fɔ mɔgɛnu ni anu miri saraka-masɔlɛnu ma ko anu sɛninyanɛ de bawo anu bi dɔn-fen sarakɛnu dantɛgɛla Mari ma. Ale le mata Mari Alla la. Mari Alla sɛnima, woletɔ a si ata mɔgɛnu fanan sɛninya.

Emɔsi 5:22

A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Yilan-Yilan Koe 19:11

“Mɔgɔ-wo-mɔgɛ min bi a bole tugula furi la, wo tigi ma sɛninya tele wɔrɔnfila kɔrɔ iko tɔn ya a fɔ nya min.

Yilan-Yilan Koe 28:2

“I ni Isirɛla mɔgɛnu nabila saraka-bɔ-nya la. Anu si sarakɛ bɔ nde, Mari ye a wati-latɛgɛnɛ rɔ. Ni anu ya minnu mintan nde ye, wo sumɛ si a diya don n tɔ.” Musa ya sarakanɛ kɛ latenbi Isirɛla mɔgɛnu ma iko Mari ya a fɔ a ye nya min. A ko,

Yilan-Yilan Koe 4:7

“Wo kɔma, anu ni kura-bilolamɛ do rafulen biredi kuma tebulu wo kuma. Anu si nɔnbɔ-gbɔ-yi-sarakɛ kɛ panɛ minnu tɔ, anu ni panɛ wonubɛ piletinu anubɛ yi-kɛ-fannu anubɛ yi-lafɛnu sigi kurɛ wo kuma.

Yɔni 6:51

Niyi ye biredi min tɔ, wo le nde la min yigira ka bɔ Arinyɛni tɔ. Ni mɔgɔ-wo-mɔgɔ ya biredi wo dɔn, a si habadan-nimayɛ sɔrɔn. Nba, n si biredi min di wo ma, wo le n bagbuyi la. N bi wo nila duninya-mɔgɛnu beli-koe la.”

Tɔn-Fɔɛ-Fila-Nyɔgɛ 26:14

N bi saya-diyi-kɛ la tumɛ min, n ma fenfen bɔ yaka kɛ la ka a dɔn. Wo tumɛ n sɛninyabɛlɛ iko tɔn ya a fɔ nya min, n ma fenfen bɔ ila yaka kɛnu na bɔn la. N ma fenfen bɔ anu na ka anu ma furu-kɔ-fan la. N bara ile Mari kuman-kan bira ka a latɔnbagaya ka a tɛgɛ ila yaka kɛnuna ko ma.