Hoseya 8:9 - ALLALA KUMƐ

⁹ Wole Isirɛla mɔgɛnu bara ta wo kun fɛ iko sofɛli-kalabante. Wo ya wo buri tala Asiriyanu bara wo dɛnbɛn-koe rɔ. Wo ara wo kun madiya sibolo-gbɛrɛnu na wo lakanan-koe la.

Hoseya 8:9 Iomraidhean Croise

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

Aiseya 30:2

A ko anu bi anu burila tala Iyipiti anu dɛnbɛn-koe rɔ, anu ma ale Mari fɔlɔn manyinika. Anu bara anu wara-koe bɛɛ to Iyipiti mansɛ ma alako ata kɛlɛ-dannu si anu natanka nya min.

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Yɛrɛmaya 2:24

A ko wo mani de iko sofɛli-musumɛ min bi wulɛ rɔ. A kɛnɛna sofɛli-keimɛnu sumɛ birala. Wo wati rɔ, mɔgɔ-wo-mɔgɔ nɔ-ko ti taran ale sofɛli-musi wo rɔ. Sofɛli-keimɛ min ba a labɔ a ma lenkan wo la, anubɛ wo si dɛn. A musumɛ wo lasɔrɔn ma gbo wati wo le.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 12:2

Mari ya Yuda sɔn fɔ a ye. A ko a si wole Yakoba kegeyɛ fanan tɔrɔ ka a tɛgɛ wola ko-ladan-nya ma, ado a si wo bira wo yili la.

Hoseya 2:10

Wo kɔma, n si a mawuran ala keminɛnu yala. Mɔgɔ-wo-mɔgɔ ti ke a latankala nta sɛnbɛ kɔrɔ.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.