Hoseya 8:7 - ALLALA KUMƐ

⁷ Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Hoseya 8:7 Iomraidhean Croise

Ko-Dabirɛnu 41:23

Wo kɔma, n ya nyɔ wɔrɔnfila yen bɔla nyɔɛ doi wonu kɔma. Anu worowarɛ! Fɔnyɔ tugura. Anu mara sɔnfɔlɔn!

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Yobu 4:8

Ni ndetɛ le, ni min ya hakɛ wɔrɔ ka karagbɛlɛyɛ fui a rɔ, anu ti fenfen tɛgɛ nyɔ fɔ karagbɛlɛyɛ.

Hɛnkilimaya-Kumɛnu 22:8

Ni mɔgɛ ya telenbɛliyɛ le ki, a si nanparan le tɛgɛ wo gbɛ rɔ nyɔ. Min sanɛ wo kuma, ala mɔgɔ bira-boloko-yogomɛ si ban de!

Makawandili Kumɛnu 5:16

Iko n ya a fɔ nya min, ko le kɛ la min ma kin duninya ma. Mɔgɛ ye wɔli-su min bɛɛ kɛla fɔnyɔ-gbansanna ko la, nfen tɔnɛ ye wo la? Mɔgɛ nara nya min, a ye sɛgila wo nya na le.

Aiseya 17:11

Hali bagɛ wonu gbusura yona ka anu fere-nyimɛ labɔ, fenfen ti ma-a-la nyɔ. Fɔ tɔrɔyɛ anubɛ duma-dandanbɛlɛ tolon!

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Nimisa Koe 5:2

I ya ma halala-dugi don sibolo-gbɛrɛnu bolo kaka. Mala bɔnnu fanan bi anu bolo.

Hoseya 2:9

Dɔn-fen-tɛgɛ-wati wa ke, n si dɔn-fan wo songban a bolo. Minni-fan-burun-wati wa ke, n si wonu fanan bi a bolo. N ya fɛrɛya-bɔɛ minnu di a ma nun, n si wonu fogbɔ a bolo.

Hoseya 7:9

Sɛnbɛ sa wo bolo tun bawo wo ara wo dun sundan wonu na. Sundan wonu bi wo tabundenna kɔnɔ wo sa wo kalama.

Hoseya 9:16

Wole Isirɛla mani de iko kɔlɔma min suli ma yigi-wɛ kɛ, wo wa gbala, ado a ti gbɔ. Wole fanan ti gbɔ ka den-wo-den sɔrɔn. Hali a taranta, wonu ni dan sɔrɔn, n si wo diyana-dan wonu kan keri paun!”

Nehami 1:3

Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Kalesiya 6:8

Ni a bilara fɛrɛ-bɔnku-nata fɛ ka ko-yogomɛ kɛ, a si ko-yogoma-kɛ-sarɛ sɔrɔn min si a laban sayɛ ma a bolo. Ni a ya ko-nyimɛ le kɛ Allata Ni-Sɛnimɛ baraka rɔ, a si habadan-nimayɛ le sɔrɔn ka bɔ ata Ni-Sɛnimɛ bolo.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.