Hoseya 7:9 - ALLALA KUMƐ

⁹ Sɛnbɛ sa wo bolo tun bawo wo ara wo dun sundan wonu na. Sundan wonu bi wo tabundenna kɔnɔ wo sa wo kalama.

Hoseya 7:9 Iomraidhean Croise

2 Mansɛnu 13:22

Mansa Yɛhowahasi siyi-tele-bɛɛ rɔ ala mansayɛ kɔrɔ, Siriya Mansa Hesiyɛli ye a yakɔrɔ-mamɔla.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

Hɛnkilimaya-Kumɛnu 23:35

I si to a fɔla ko, “A manɛ iko anu bara n gbesi le kɔnɔ n ma kala sɔrɔn wo ma. N ti ke n kunyɛ kɔrɔbila ni n ma n da raka gbɛɛ la.”

Aiseya 1:7

Wole Isirɛla mɔgɛnu, wola nyamanɛ kasaranɛ. Wola soenu bara mintan gburr! Sibolo-gbɛrɛnu bi wola sɛnita-fannu dɔnna wo yala ka wo kasaranɛ to.

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.