Hoseya 7:7 - ALLALA KUMƐ

⁷ “Wole karagbɛlɛnu bara wola kun-tigi faga wola koninteya-dogonnɛ la. Wo ara ban wola mansɛnu fagala kelen-kelenyɛ ma kɔnɔ anu do-wo-do ma nde, Mari manyinika dɛnbɛni-koe la.”

Hoseya 7:7 Iomraidhean Croise

1 Mansɛnu 15:28

Wo le ya a ma, Mansa Beyasa sigira Mansa Nedabu gbɛ rɔ ka ma Isirɛla mɔgɛnuna mansɛ la. Mansa Esa min bi Yuda nyamanɛ kun na, kɛ mara wota mansayɛ san sawa nyɔgɛ le ma.

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

1 Mansɛnu 16:22

Kɔnɔ ala ban, minnu bi Hɔmɔri fɛ, wonu ya nɔ-ko sɔrɔn. Tibini faganɛ, mansayɛ tora Hɔmɔri ye.

2 Mansɛnu 10:14

Mansa Yehu ya a fɔ a gba-fɛ-bilalɛnu ye ko, “Wo ni kɛnu bira.” Anu tara anu na denka-rayan-bɛ do dafɛ ka anu faga nyɔ. Anu ya minnu faga wo la, wonu mɔgɔ bi-nani ani mɔgɔ fila (42). Hali mɔgɔ-den-kelen ma to a niyi la wonu tɔ.

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 15:10

Yebɛsila den Salumu ya dɔn don Mansa Sakaraya ma. A kɛra a ma mɔgɛnu yala ka a faga. Ale Salumu mara mansɛ la Mansa Sakaraya gbɛ rɔ.

2 Mansɛnu 15:14

Mansa Salumu ya koe min bɛɛsi ma ala mansayɛ kɔrɔ, katarala a ya dɔn min don Mansa Sakaraya ma ka a faga, anu ya wo bɛɛ sɛbɛ Isirɛla mansɛnuna buku do rɔ. Kadila den Mɛnahɛmu bɔra Tirisa soe burɔ ka ta Mansa Salumu faga Samariya soe burɔ. A sigira a gbɛ rɔ.

2 Mansɛnu 15:25

Mansa Pɛkahayala kɛlɛ-den-kunyɛ, Rɛmalayala den Peka, kɔni, wonubɛ Kaliyadi kɛ mɔgɔ bi-loli ya yanfɛ kiri Mansa Pɛkahaya ma. Anu tara a faga ala bolɔn la. Anubɛ ala mɔgɔ-ba fila, Agabi anubɛ Ariyɛ fanan kunyɛ tora-a-rɔ. Peka sigira a gbɛ rɔ mansayɛ la.

2 Mansɛnu 15:30

Yuda Mansa Yusayala den Yotam, wola mansayɛ san mogan nyɔgɛ ma, Ilamna den Hoseya ya yanfɛ kiri Mansa Peka ma ka a faga Isirɛla nyamanɛ rɔ. A sigira a gbɛ rɔ san wo le la.

2 Mansɛnu 9:24

Mansa Yehu ya ala kalabɛn rasagan a fanka-wɛ la ka Mansa Yɔram bon a kanban kun filɛ tɛma. Kalabɛn wo donta ka ta ha a sɔn-kole. A buira ala kirindi rɔ.

2 Mansɛnu 9:33

Mansa Yehu ya a fɔ wonu ye ko, “Wo ni a latosokoro dugi ma.” Wonu ya ale musi latosokoro. A yele pusenta dandan anubɛ soeenu ma. Mansa Yehu ya ala soeenu anubɛ ala kirindi bi ka a furi dɛgbɛ.

Yobu 36:13

Mɔgɛ minna ko sa Alla wara-koe rɔ, wonu bi tola yisi-magboyɛ le kun na. Hali anu ba tɔrɔyɛ sɔrɔn, anu ti Alla madiya.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Aiseya 43:22

Mari ko male Isirɛla mɔgɛnu sa a batola tun bawo ma sa ma muinna a kɔrɔ.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Daniyɛli 9:13

I ya ma tɔrɔ iko Musa ya a sɛbɛ ala tɔn-buku rɔ nya min. Kɔnɔ mata Mari Alla, ma ma ma raya ka duwɛ nyini i bolo ka fara mala hakɛnu na alako ma ni bila ita kila-telennɛ fɛ.

Hoseya 13:10

Wo ya a fɔ nun ko wo ye nyinina mansɛ anubɛ kun-tiginu ma kɔnɔ wonu si ke wo lakisila kama?

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Hoseya 8:4

“Wole nta mɔgɛnu bi mansɛnu sigila wo nyɛrɛ ma. Wo sa n nalɔnna ka n sako nyini fɔlɔn. Wo ara sɛnɛ anubɛ wodi-gbɛnu nadan wola bɛsɛnu na. Wo kasara-kunyɛ le bɛsi-ladan wo la.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.