Hoseya 7:16 - ALLALA KUMƐ

¹⁶ Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Hoseya 7:16 Iomraidhean Croise

Yaburi 12:3

Mari, a ma, anu ni anu tade don! Anu bi anu nyɛrɛ matɔgɔla anu dɛ min na ka a fɔ ko, “Ma ara fan min bɛɛ sɔrɔn, ma ara wonu sɔrɔn ma darɔ-kan le la. Min bi ma kunyɛ anubɛ ma kannu tɛma, ma si wo fɔ. Mɔgɔ-wo-mɔgɔ sa nyɔ min si tɔn sigi ma ma.” Mari, anu dɛ wonu natogon.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 17:10

Anu ti kinikini mɔgɛ ma, ado nyɛrɛ-matɔgɛ di anu ye.

Yaburi 52:2

Telen-gbɛn, i ye i mirila karagbɛlɛyɛ ma. I dɛ latugunɛ iko muru-da-diyamɛ. Tuma-wo-tuma, ile ye i mirila foninya-kurɛ le ma.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 73:9

Alla min bi san-kole rɔ, anu bi kuma-yogomɛnu fɔla wo ma. Anu bi mɔgɛnu sɔla fɔrɔsɛ la duninya kɛ rɔ.

Yaburi 78:37

Anu natelenni ma a ye. Sarama-kan min bi anubɛ Alla tɛma, anu ma anutɛ latɔnbagaya.

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Aiseya 3:8

Ɔnde! Yerusalɛm tinya-koe ara to a ma. Yuda nyamanɛ fanan bi nala bui tinɛ le kɛ la. Anu ya ko-wo-ko fɔ, Mari tanama-koe le wo la. Anu ya ko-wo-ko ma, Mari gboyana-koe le wo la. Anu bi Alla rasɛla bɛɛ yala.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Isikiyɛli 23:32

I kɔrɔta kumakɔɛ mani de iko a kɛnɛ yi-lafɛ le tɔ. Kɔpu wo kolo, a rayan, ado ile fanan bi wo le nyɔgɔn tɔrɔya sufa minna. Mɔgɛ bɛɛ si i rasɛ ka i lafɛya bawo ita yi-lafɛ wo lafanɛ i kɔrɔtɛ ko.

Isikiyɛli 36:20

Anu tara kan-tinɛ min bɛɛ rɔ, anu ya tɔgɔ-tinyɛ sanba n ma. Mɔgɛnu kɛnɛna a fɔla ko, ‘Marita mɔgɛ le kɛnu na kɔnɔ hali wo, a ara anu gben ata nyamanɛ rɔ.’

Daniyɛli 7:25

Alla Min Bi Fan Bɛɛ Kun Na, mansɛ wo si wo rasɛ ka ala mɔgɔ-sɛnimɛnu nyankankantan. A si anuta ladɛn-sɛnimɛnu tinya anubɛ anuta tɔnnu, ado Allata mɔgɛnu si taran ata sɛnbɛ kɔrɔ san sawa anubɛ a tala.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 11:7

Ka wo kan-kɔ sɔ n na, wo nɔrɔnɛ wo ma fatifati! Wo si to gbele-gbelenna ka a tɛgɛ dunɛ wo ma min siginɛ wo kuma kɔnɔ mɔgɔ-wo-mɔgɔ ti dunɛ wo bɔ wo kuma.

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Hoseya 7:13

“Gbalo ye wo kuma bawo wo ara nde, Mari boloka ka murutiya n ma. Fɔ wo wa halaki! Wo lakanan-sɔgɛ ye n na nun kɔnɔ wo sa n batola tonyɛ kuma.

Hoseya 9:3

Wole Isirɛla mɔgɛnu ti to sigini Marita dugi kɛ rɔ tun fɔ anu ni ta wo la yɔɔnyɛ rɔ iko wo taranta Iyipiti rɔ nya min nun. Anu si ta wo la Asiriya nyamanɛ rɔ. Wo si to fan dɔnna nyɔ minnu ma sɛninya iko tɔn ya a fɔ nya min.

Hoseya 9:4

Wo wa ke nyɔ, wo ti ke saraka-wo-saraka bɔla tun Mari ye. Nyɔ-sarakɛnu ti a hɛnɛ feu, ado nyɔ-dɔn-fan si ma iko mɔgɛnu bi min dɔnna saya-koe kuma. Wo si ma kɔsɔ. Wo bu-rakɛ-fan le wo la dɔrɔn, ado dɔn-fan wo ti ma sarakɛ la Mari Bato-Bɔn la.

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Malakayi 3:13

Mari ko wo ya kuma-gbondanɛ fɔ a ma. Kɔnɔ wo ya a manyinika ko, “Ma ya nfen fɔ i ma nun?”

Malakayi 3:14

A ko wo ya a fɔ ko, “Ka Alla bato, fufafuyi le wo la. Ni ma ya ala kumɛnu bira ka a yira ale Mari Sɛnbɛ-Bɛɛ-Tigi la ko ma ara nimisa mala ko-yogomɛnuna ko la, wo si nfen nyinya ma ma?”

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Luka 8:13

Sugi min fuira fara-kole ma, wo mani de iko mɔgɛ min bi kumɛ lamɔɛnna, ado a si a bira sewɛ la tiriya! Sugi wo fɛrɛnta kɔnɔ a ma ke a suli yigila. A dɛnkɛninyara wati-kundunɛ kɔrɔ kɔnɔ magbɛrɛnkɛ nara tumɛ min, a ya ala dɛnkɛninyɛ boloka.

Yemesi 3:5

Ma dɛ fanan manɛ le iko lalɛ kɛ. A dɔgɔ kɔnɔ a si a nyɛrɛ matɔgɔ ko-wɛnu tɔ. Ta-nɛ si fira-belebele mintan.

Lankɛnimayɛ 13:5

Alla sɔnta ko sogo-feremɛ wo ni a nyɛrɛ kɔrɔbi ka ale Alla-rapɔsi-kumɛnu fɔ. A ya sɛnbɛ anubɛ sarati sɔrɔn Alla bolo karɛ bi-nani ani karɛ fila (42) kɔrɔ.