Hoseya 7:10 - ALLALA KUMƐ

¹⁰ Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Hoseya 7:10 Iomraidhean Croise

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 14:2

Mari si a kolan layigi hadama-dan ma ka a lɔn ni hɛnkilimɛ ye anu tɛma min bi ale Mari nyinina.

Yaburi 53:2

Alla si a kolan layigi hadama-dan ma ka a lɔn ni hɛnkilimɛ ye anu tɛma min bi a nyinina.

Hɛnkilimaya-Kumɛnu 27:22

Hali i ya kun-takolɔn gbesi ka a niyi madɔgɔya a rɔ, iko mɔgɛ si fui-fan bunden kolɔn rɔ nya min, a ti ala kun-takolonyɛ boloka.

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:13

Hali Mari Sɛnbɛ-Bɛɛ-Tigi ara anu tɔrɔ, Isirɛla mɔgɛnu ma anu sɔ anu hakɛ la, ado anu ma sɔn anu ya-lamununna a la.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Hoseya 5:5

Wola wasinteyɛ ye sereyɛ bɔla wo kan ma. Wo hakɛ si wo kiannu burundu wo kɔrɔ ka wo laburun pi! Yuda kɛnu fanan si bui wo fɛ.

Hoseya 6:1

Mɔgɛnu bi anu da le fɔla ko, “Ma sɛgi wona Mari ma. Mari le wara ma tanban, ale le ye ma dandanna tun. Ale le ya tɛlɛ sigi ma ma, ale le ye mala tɛlɛnu makirila.

Hoseya 7:7

“Wole karagbɛlɛnu bara wola kun-tigi faga wola koninteya-dogonnɛ la. Wo ara ban wola mansɛnu fagala kelen-kelenyɛ ma kɔnɔ anu do-wo-do ma nde, Mari manyinika dɛnbɛni-koe la.”

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Romu 3:11

hali kelen sa min si ko nya-yen. Wo mɔgɔ sa min si Alla nyini.