Hoseya 5:8 - ALLALA KUMƐ

⁸ Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Hoseya 5:8 Iomraidhean Croise

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

1 Mansɛnu 12:29

A ya ninki-dan wo kelen to Bɛtɛli soe burɔ. A tara doi to Dan soe burɔ.

Aiseya 10:29

Anu bara tenbi kɔnkɔ-gbɛran la ka ta ki Kiba soe burɔ. Rema so-burɔ-mɔgɛnu kun ma ara kɔ dɔgɔma-ma-de! Kibiya soe, Mansa Sɔli sɔrɔnta kan min, nyɔ-mɔgɛ bɛɛ ara anu buri.

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Yowɛli 2:1

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wole Yuda nyamanita-mɔgɛnu, wo ni yɛrɛyɛrɛn kilan bolo bawo Mari natoe le, ado wo wati ara gbɛrɛn.

Yowɛli 2:15

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wo ni mɔgɛnu nakundɛn alako anu ni sunyɛ don.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Yasowa 7:2

Yasowa ya mɔgɛ donu nata Eyai ka bɔ Yɛrikɔ. Eyai soe ye Bɛtɛli soe tele-bɔɛ wara la. A ma fɛ-yan Bɛti-Efɛn soe la. Yasowa ya a fɔ mɔgɛ wonu ye ko, “Wo ta ka Eyai mafɛlɛn.” Anu tara wati min,

Kɛlɛ-Kurugbɛnu 5:14

Kɛlɛ-dannu nara ka bɔ Ifɛrɛm bɔnsɔn rɔ ka na ke lɛɛ rɔ kɛlɛ-kɛ-tinɛ. Bɛnyamɛ bɔnsɔn fanan sɔnɛ anu yarɔ. Kɛlɛ-den-kunyɛnu anubɛ anuna kɛlɛ-dannu bɔra Manasala den Makiri anubɛ Sɛbulɔn bɔnsɔnnu tɔ.

1 Samuwɛli 15:34

Samuwɛli tara a warɛ Rema soe burɔ. Mansa Sɔli fanan sɛgira a warɛ Kibiya.

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.

1 Samuwɛli 8:4

Woletɔ Isirɛla mɔgɔ-ba bɛɛsi ya anu kundɛn kan-tina-kelen. Anu tara Samuwɛli wara Rema.