Hoseya 5:3 - ALLALA KUMƐ

³ Nde, Mari ya a lɔn Isirɛla ye nya min. Wo ti ke wo dogonna n ma. Wo ma wo telen n ye mumɛ! A ma bɛn defan, wo ni n bato.”

Hoseya 5:3 Iomraidhean Croise

Aiseya 7:16

yanni wo wati ni ke, mansa filɛ minnu bi i rakilanna, wonuta nyamanɛ ta ara kolonya filili!

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Aiseya 7:5

A ko Siriya mansɛ anubɛ ala mɔgɛnu anubɛ Isirɛla mansɛ, anu bara yanfɛ don.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 13:1

Fɔlɔ nun, ni Ifɛrɛm bɔnsɔn-mɔgɛnu kumara, wole Isirɛla bɔnsɔn-mɔgɛ toenu si kilan. Wo ya wo yɛ bɛn Ifɛrɛm bɔnsɔn-mɔgɛnu ma. Kɔnɔ bawo anu bara don Beyali kɔ-koe rɔ, wo le ya a ma, anu halaki-koe tɛgɛra.

Hoseya 13:5

Nde le ya wo fɛ-bira wula-magbalanɛ rɔ.

Hoseya 5:11

Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 5:9

Mari ko wo tɔrɔya-tele ye nala. Wo tele wa ke, wole Isirɛla mɔgɛnu si tɔrɔ. N bi min fɔla kɛ la, fɔ wonu ba ma le serr!

Hoseya 6:10

N bara koe min tayen Isirɛla nyamanɛ rɔ, wo ma daga. Wole nna mɔgɛnu, wo ara wo nyɛrɛ latinya bɛsi-kɔ-koe fɛ. A ma bɛn defan, wo ni a bato.

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Hoseya 8:11

“Wole Isirɛla mɔgɛnu bi tola saraka-mintan-tinɛnu nadanna nya min wo hakɛ makoto-koe ma, wo ye tola hakɛ-kɛ-tinɛnu nasiyayala wo nya na le.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Emɔsi 5:12

Mari ko a ya a lɔn wola hakɛnu yogo nya min. Wo ara ko-yogomɛ minnu nyɔgɔn ma, a ya wo bɛɛsi lɔn. Mɔgɔ-nyimɛ minnu bi wo tɛma, wo ye wonu bɛnsɛnkɔninyala ka anu tɔrɔ. Wo ye dogonta-fan birala mɔgɛnu bolo. Wo ye a mala, bolo-kolɔnnu ti yo sɔrɔn hali tonyɛ ye anu bolo.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Lankɛnimayɛ 3:15

Wole Leyodisiya-chɔchi-mɔgɛnu, n ya wola wɔlɛ lɔn. Wo manɛ iko dɔn-fan min kimani ma, ado a kaliyani ma. Ni a kimanɛ le nun, ni a kaliyanɛ nun, wo si a diya don n tɔ nun!