Hoseya 5:2 - ALLALA KUMƐ

² Wo ara ma denka-rayan-bɛ la mɔgɛnu ye Akasiya soe burɔ, ado fɔ n ba wo dama tɔrɔ tɛrr!

Hoseya 5:2 Iomraidhean Croise

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yɛrɛmaya 6:28

A ko wole, ala mɔgɛnu bara wo ban a la ka wo tole gbɛlɛya. Wo ye belenna mɔgɛnu da ragbalala foninyɛ la. Wo yisi gbɛlɛ iko nɛgɛ anubɛ silɛɛ ye nya min, wo ye mɔgɛnu tɔrɔla yanfanteyɛ la wo nya na le.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 6:5

Wo le ya a ma, n ya nɛbinu kilaya wo ma alako wonu ni kiti tɛgɛ anubɛ kasarɛ wara-koe fɔ wo ye. N bi nyinina min ma wo bolo, wo gbɛnɛ feufeu!

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.