Hoseya 5:11 - ALLALA KUMƐ

¹¹ Wole Isirɛla mɔgɛnu ya wo tui ka ta dɛnbɛni-nyini-tinɛ bɛsɛ wonu denu bara minnu ti ke wo dɛnbɛna. Wo le ya a ma, wole Isirɛla mɔgɛnu bara tɔrɔyɛ sɔrɔn Yuda kɛnu bolo. Anu bara bui wo ma ka wo halala-dugi bi wo bolo.

Hoseya 5:11 Iomraidhean Croise

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Hoseya 9:16

Wole Isirɛla mani de iko kɔlɔma min suli ma yigi-wɛ kɛ, wo wa gbala, ado a ti gbɔ. Wole fanan ti gbɔ ka den-wo-den sɔrɔn. Hali a taranta, wonu ni dan sɔrɔn, n si wo diyana-dan wonu kan keri paun!”

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.