Hoseya 5:10 - ALLALA KUMƐ

¹⁰ Mari ko ale ara diminya bawo Yuda mɔgɔ-banu bara do tɛgɛ Isirɛla kɛnuna dugi la ka a sa anutɛ kuma. A ko a si tɔrɔyɛ latugu Yuda kɛnu kun na iko yi.

Hoseya 5:10 Iomraidhean Croise

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 69:24

Alamɛ i ya ila fondo-labɔɛ labɔn anu ma. Alamɛ ila diminyɛ ya anu gben ka digin anu ma.

Yaburi 88:17

Telen-gbɛn, anu mininɛ n ma iko bɛ wa fa. N ba n tintan kan-bo-kan bara la, anu gbɛrɛnnɛ n ma.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Hɛnkilimaya-Kumɛnu 22:28

I benbanu ya dan-kuri min sigini to, i kana wo bɔ a gbɛ rɔ.

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Isikiyɛli 22:22

Anu si lee Yerusalɛm soe burɔ bandin, iko wodi-gbɛ si lee nya min sulubondɔn rɔ. Anu bi a lɔnna wo le ma ko nde, Mari ara kɔrɔtɔ anu ma.”

Isikiyɛli 7:8

“A ti mɛ tun, wo ye nala nna diminyɛ bɛɛ yenna. Wo ara kasarɛ anubɛ kisimiriya-koe minnu nadan, n bi nala wole kitila ka wo yili sara wo la.

Matiyu 7:27

Banda-wɛ nara. Bɛnu fara. Fɔnyɔ tugura ala bɔn wo ma! Ala bɔn buira fugbu! A rakerikerita iko kolo lamurunɛ!”

Luka 6:49

Kɔnɔ mɔgɛ min bi nna kumɛnu namɔɛnna kɔnɔ a sa anu birala, wo tigi mani de iko mɔgɛ min tenbi bɔn sɔla, a ma a kurukɛ. Yi wa tugu wo tigila bɔn burɔ tumɛ min, a ti mɛ buila ka tinya! A rakerikerinɛ si to feu!”

Tɔn-Fɔɛ-Fila-Nyɔgɛ 19:14

“Mari ye nala nyamanɛ min dila wo ma, wo wa ta sigi nyɔ tumɛ min, wo kana wo sigi-nyɔgɛnuna dan-kuru-kɔrɛnu bɔ anu gbɛ rɔ.

Tɔn-Fɔɛ-Fila-Nyɔgɛ 27:17

“ ‘Alamɛ Allata dankɛ taranta wo mɔgɛnu kuma minnu si anu ta-nyɔgɛnuna dan-kurinu bɔ anu gbɛ rɔ.’ “Anu si a labira ko, ‘Amina.’