Hoseya 4:8 - ALLALA KUMƐ

⁸ Wo ye tɔnɛ sɔrɔnna ka a tɛgɛ nta mɔgɛnuna hakɛ-kɛ-koe ma. Woletɔ wo ye tola anu natuntunna hakɛ rɔ tolon!

Hoseya 4:8 Iomraidhean Croise

2 Mansɛnu 12:16

Wodi min bɔra yiliki-sarakayɛ la anubɛ hakɛ-sarakayɛ, wo fenfen ma sa kenkirɛ rɔ bawo saraka-masɔlɛnutɛ le wonu na.

Yaburi 24:4

Fɔ minnu sɛninyanɛ anu kɛ-nya anubɛ anu miriya rɔ, ado wonu sa bɛsi kɔla, wonu sa foninya-sereya bɔla.

Yaburi 25:1

Mari, n bi i madiyala.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Isikiyɛli 14:7

“Isirɛla mɔgɛ fenfen, ni wo ma, sibolo-gbɛrɛ minnu bi anu tɛma, ni anu ya anu kan-kɔ sɔ nde la ka bɛsɛnu kɔ, wo kɔma, a ni sɛgi nta nɛbi do manyinikala n sako-lɔn-koe rɔ, nde, Mari si wo tigi yabi boloko-yogomɛ-kɛ!

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Hoseya 12:8

Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Saraka-Masɔlɛnuta Tɔnnu 6:22

Ka a dabira bi ma ha wati min di Mari ye, Aruna kegeyɛnu min si ma saraka-masɔla-kun-tigi-wɛ la, wo si to dɛgɛ-munku-sarakɛ kɛnu bɔla Mari ye.

Saraka-Masɔlɛnuta Tɔnnu 6:26

Saraka-masɔlɛ min si a faga, wo si a dɔn kan-tina-sɛnimɛ rɔ Marita Fani-Bɔn kata burɔ.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

1 Samuwɛli 2:29

Mari ko ale ye ata sarakɛ minnu makelela ata mɔgɛnu bolo, nfenna wo ye a lafɛyala wonu bɔ tinɛ worɔ? A ko ile Ilayi, i wara sɔn ila dannu bara ata saraka tɔnɔma tinɛnu dɔn ata mɔgɛnu bi nala minnu na a ye ha anu bara kunbaya. A ko nfenna i ye ila dannu gbiliyala ka tenbi ale la?