Hoseya 4:7 - ALLALA KUMƐ

⁷ “Wole saraka-masɔlɛnu bi tola siyayala nya min, wo ye tola hakɛ kɛla wo nya na le. A bɛnta, wo ni gbiliyɛ min sɔrɔn, n si wo yɛlɛma wo bolo miliyɛ la.

Hoseya 4:7 Iomraidhean Croise

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Hoseya 10:6

Anu si ta bɛsɛ wo la Asiriya nyamanɛ rɔ anuna mansɛ sanbayɛ la. Wole Isirɛla mɔgɛnu si miliya wo rɔ ka a tɛgɛ wola lanayɛ ma bɛsɛ wola ko la.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Hoseya 4:10

Hali wo ye wo niyi sɔrɔnna sarakɛnu tɔ, kɔnkɛ ti bɔ wo la. Hali wo kira dan nyinina wo kun-da-filɛ bɛɛ la, wo ti a sɔrɔn bawo wo ara nde, Mari boloka ka bila bɛsɛnu fɛ.”

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Hoseya 6:9

Wole saraka-masɔlɛnu mani de iko kankan-kurɔn minnu siginɛ kilɛ la. Wo ye mɔgɔ-lapɛran la. Hali kilɛ min bi tala a labilala Sɛkɛmta kan-tina-sɛnimɛ ma, wo ye mɔgɛnu fagala wo fɛ. Wo ye karagbɛlɛyɛ wo dama lawulila a ma le bihin!

Hoseya 9:11

Isirɛlata gbiliyɛ si gban ka ta pon iko kona. Wola musinu ti buyi bi ka den sɔrɔn tun,

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.

Malakayi 2:9

Mari ko wo si a ma, wo sɔgɛ la ni bɔ Isirɛla mɔgɛnu na bawo wo sa a sako kɛla. Min sanɛ wo kuma, a ko wo tenbi ala mɔgɛnu karanna, wo sa anu bira-bole rakɛnyana. Wo ye lafisayalɛ kɛla.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.