Hoseya 4:3 - ALLALA KUMƐ

³ Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Hoseya 4:3 Iomraidhean Croise

Aiseya 33:9

Nyamanɛ lakolɔnnɛ si to wo nya na le. Lɛbanan gbɔngbɔn-lafɔsɔnɛ si to. Sarɔn lɛɛ si ma iko wula-da-rakolɔn. Yanba-kunyɛ bɛɛ ye yalanna Basan nyamanɛ anubɛ Kamɛli kɔnkɛ ma.

Yɛrɛmaya 12:4

Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 4:25

N yɛ-latɛ, n ma mɔgɛ yen. Hali kona bɛɛ ara gban ka ta anu ye pon!

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Isikiyɛli 38:20

A ko a yɛgɛ wo, a koni wo, a sogo-kinama wo, a sogo-mɛsɛ wo, a hadama-den wo, anu dama si yɛrɛyɛrɛn kilan bolo ka a tɛgɛ Marita kabana-koe ma wulɔn. Kɔnkɛnu si bui. Farɛnu dɛ la si ka. Tarɛ bɛɛ si ta sala a ma dundulu!

Yowɛli 1:18

Ninkinu bi wundana bawo bin sa anu bolo anu si min dɔn, ado hali sagɛnu, a gbɛlɛ anu kuma.

Emɔsi 1:2

Nɛbi Emɔsi ko, “Mari ye seren-serenna Yerusalɛm kɔnkɔ-layan-bɛ kuma iko yara-kɔnkɔtoe. A kuman-kan manɛ Yerusalɛm kuma iko san-gbalamɛ. A kuman-kan si a ma, anuna saga-de-nyini-tinɛnu ni gbala wau!” Siriyanu

Emɔsi 5:16

“Allatala ko ka a tɛgɛ wola sɔn-yogomɛnu ma, wole mɔgɔ-yogomɛnu si faga. Mɔgɛnu si di-kɛ-kannu namɔɛn soenu kuma belenna. Anu si ta fɛlɛtenɛnu kele anuna sɛnɛnu tɔ alako anu ni na kofu mamusu-dɔn-kɛlɛnu ma wole, mɔgɔ sɔn-yogomɛnu saya-di-kɛ-tinɛ.

Emɔsi 8:8

A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Nehami 1:4

A wa a fɔ kɔgɔ-yi ma, “gbala,” latiriya-bole ma, wo ni gbala todo! Wo si a ma fanan, bɛnu ni gbala. A si a ma fanan, Basan-nyamanita-binyɛnu na ni fɔsɔ. Kamɛli-kɔnkɔ-binyɛnu si ma samayo! Lɛbanan-kɔn-ferenu si gbala kerr!

Sɛfanaya 1:3

A ko a si nima-fan bɛɛ ban fegba, a hadama-den wo, a sogo wo, a koni wo, anubɛ a yɛgɛnu. A ko a si karagbɛlɛnu wara-koe ka-a-la. Hali mɔgɔ-den-kelen ti to a niyi la. Ale Mari kuman-kan le kɛ la.

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe