Hoseya 4:1 - ALLALA KUMƐ

¹ Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 4:1 Iomraidhean Croise

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

Yaburi 81:9

Wo kana bɛsi-wo-bɛsi kɔ nde, Alla kɔma. Mɔgɔ-gbɛrɛnuta bɛsɛ, wo kana wo madu wonu kɔrɔ.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 28:14

Woletɔ wole mɔgɔ-ba-wasinte minnu bi Yerusalɛm kɛnu kun na, wo ni wo tole masɔ Mari kan la.

Aiseya 34:1

Wole sibolo-gbɛrɛnu, wo dama ni na ka wo tole masɔ. Mɔgɛ min bɛɛ ye dugu-kole kuma, wo ni na ka wo tole masɔ.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 5:3

Nba, n diyana-mɔgɛ ye a fɔla kaka ko, “Wole Yerusalɛm so-burɔ-mɔgɛnu anubɛ Yuda nyamanita-mɔgɛnu, wo ni kiti sa mabɛ nna ki-fannu tɛma.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 59:8

Anu ma a lɔn anu si to yisi-kimɛ rɔ nya min. Anu kɛ-nya fenfen ma telen. Anu tadunɛ kɔnkɔrɔntɔn! Mɔgɔ-wo-mɔgɔ bilara kɛnu fɛ, wo tigi ti yisi-kima sɔrɔn.

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Yɛrɛmaya 2:4

Wole Yakoba kegeyɛnu, wo ni wo tole masɔ Marita kumɛ la. Wole Isirɛla bɔnsɔn toe min tonɛ, kɔni, wo ni wo tole masɔ.

Yɛrɛmaya 2:9

Mari ko min bi a tola, a ye wole kan ma, a si wo fɔ wo ye. Min bi a tola, a ye wola dannubɛ wo mamanɛnu kan ma, a si wo fanan fɔ wo ye.

Yɛrɛmaya 25:31

Sɔnkɛ wo si duninya mumɛ bɛɛ bira-a-la wuu! Wo ye mala bawo Mari ye nala sibole bɛɛ tɔrɔla le. A si mɔgɛ bɛɛla fɛɛ yira a la kiti-kɛ-tinɛ. A si wunduyoge bɛɛ halaki pɔ!

Yɛrɛmaya 34:4

A ko Sɛdɛkaya ni a tole masɔ ale Marila sarakanɛ kan la. A kunyɛ ti to kɛlɛ rɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 5:4

Kɔnɔ n sigira, n ya n miri. N ko bolo-kolon-gbɛ le mɔgɛ kɛnu na, anu hɛnkili sa. Anu ma Marita ko-ladan-nya lɔn. Alla ye nyinina min ma anu bolo, anu ma wo lɔn.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 9:20

Nde, Yɛrɛmaya ya a fɔ wole, Yuda nyamanita musinu ye ko wo ni wo tole masɔ Marita kumɛ la. Wo ni wo tole laka ka ale Mari kan lamɔɛn. Wo ni wola dunmusinu nabila yerelen-tɛgɛ-bole ma. Wo ni wo nyɔgɔn karan mamusi-sigi la.

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.

Yɛrɛmaya 9:7

Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Isikiyɛli 16:35

“ ‘Ile Yerusalɛm yɛlan, i tole masɔ nde, Mari kan la.

Hoseya 12:2

Mari ya Yuda sɔn fɔ a ye. A ko a si wole Yakoba kegeyɛ fanan tɔrɔ ka a tɛgɛ wola ko-ladan-nya ma, ado a si wo bira wo yili la.

Hoseya 12:3

Wo benba Yakoba anubɛ a fɛrɛn-nyɔgɛ Isɔ ya kɛlɛ dabira anu na burɔ le fɔlɔn. Ale Yakoba koloyanɛ, a ya Alla ma a kɛlɛ-nyɔgɛ la

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Hoseya 5:4

Wole Isirɛla mɔgɛnu bara ko-yogomɛ minnu ma, wo le ye wo mabelila wota Alla-bato-kilɛ ma. Bɛsi-kɔɛ ara wo bira gbuturu! Wo ma Mari lɔn fenfen na.

Yowɛli 1:2

Wole kinanu, wo ni wo tole masɔ! Wole Yuda nyamanita-mɔgɛnu, wo ni wo tole masɔ! Ha bi, kɛ nyɔgɔn ko sufa ara ma wo benbanuta tele, ka, wotɛ?

Emɔsi 3:1

“Woletɔ wole Isirɛla mɔgɛnu, a ya wole min nana ka bɔ Iyipiti, kɔni, Mari ye nala kumɛ min fɔla wo kan ma, wo ni wo tole masɔ wo la.

Emɔsi 7:16

Ile ya a fɔ n ye ko n ni n fara wɔlɔyiya-kumɛnu fɔla Isirɛla mɔgɛnu ye.

Maika 6:2

Wole kɔnkɛ minnu manɛ duninya-kurun-fannu na, wole min na ti maga, wo ni wo tole masɔ Marita kumɛ la. Kumɛ do ye Mari anubɛ ata mɔgɛnu tɛma. A ye nala wo rakaranna wo ye.

Yɔni 8:55

Wo ma ale lɔn mumɛ! Kɔnɔ nde le ya a lɔn. Ni n ya a fɔ ko nde ma a lɔn, n si ma foninya-fɔlɛ la iko wole. Kɔnɔ n ya a lɔn feu, ado n bi ala kumɛ birala.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 2:29

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’