Hoseya 2:8 - ALLALA KUMƐ

⁸ A ma di a ye, a ni a fɔ ko nde le ye a de-nyinina. Ado nfan, n bi sɛnɛ anubɛ wodi-gbɛ min dila a ma, a duruta tala wo le la Beyali kɔ tinɛ.

Hoseya 2:8 Iomraidhean Croise

1 Ko-Kɔrɔta-Karan 29:16

E, mata Mari Alla, ma ara nɔnfuli kɛ bɛɛsi ladɛn kan-tina-kelen yan tɔ ita Bɔn sɔ-koe le la alako ka i tɔgɔ-sɛnimɛ gbiliya, ado kɛ dama bɔra ile le kɔɛn rɔ. Ile letan ye a dama la.

Yobu 19:8

A ara kilɛ tɛgɛ n ma alako n kana tenbi. A ara pinpi burun nna kilɛ la bɛff!

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 46:6

Mɔgɛnu si anuna wodi-bɔrɛnu dɛ laka ka sɛnɛ rawuya. Anu bi wodi-gbɛnu sumanna ka anu gbiliyɛ dan lɔn. Anu bi siyaki sarala alako wo ni anuta bɛsɛ ladan anu ye. Wo kɔma, anu bi anu nyɛnkinna bɛsɛ wo kɔrɔ ka a kɔ.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Isikiyɛli 23:41

Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Hoseya 13:1

Fɔlɔ nun, ni Ifɛrɛm bɔnsɔn-mɔgɛnu kumara, wole Isirɛla bɔnsɔn-mɔgɛ toenu si kilan. Wo ya wo yɛ bɛn Ifɛrɛm bɔnsɔn-mɔgɛnu ma. Kɔnɔ bawo anu bara don Beyali kɔ-koe rɔ, wo le ya a ma, anu halaki-koe tɛgɛra.

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Hoseya 4:11

Mari ko, “Baan-feremɛ ye a mala, wole nta mɔgɛnu bi kuntanya-koenu mala.

Hoseya 8:4

“Wole nta mɔgɛnu bi mansɛnu sigila wo nyɛrɛ ma. Wo sa n nalɔnna ka n sako nyini fɔlɔn. Wo ara sɛnɛ anubɛ wodi-gbɛnu nadan wola bɛsɛnu na. Wo kasara-kunyɛ le bɛsi-ladan wo la.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Luka 15:13

A ma mɛ, a dɔgɔmɛ ya ata fen-kolomɛ wonu fere wodi la ka ta a ye. A tara nyamani gbɛrɛkɛ rɔ pon! A ke nyɔ, a ya ala wodi bɛɛ kasara yabatoyɛ la.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

Kɛlɛ-Kurugbɛnu 9:27

Anu tara anuna nɔnbɔ-gbɔ-sɛnɛnu tɔ ka nɔnbɔ-gbɔɛnu keri ka anu burun. Anu bi ladiyɛ kɛla ka fen dɔn anubɛ ka nɔnbɔ-gbɔ-yi min anuna bɛsi-kɔ-tinɛnu tɔ, anu bi Abimɛlɛki tɔgɛ tinyana a kɔma.