Hoseya 2:4 - ALLALA KUMƐ

^4-5 Nde, ala kei ti kinikini wole, ata den-sɔrɔnnɛnu ma bawo wole bɔra ata yɛlɛnya-milibɛliyɛ rɔ. Ale musi nyɛrɛ ko a ye bilala ala keminɛnu denu fɛ bawo wonu denu bi a de-nyinina ka a lamin. A ko wonu denu bi fɛrɛya-bɔ-hakikɛ dila a ma anubɛ fen-diyama-su-bɛɛ.

Hoseya 2:4 Iomraidhean Croise

2 Mansɛnu 9:22

Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 16:5

Mari ko n kana ta saya-bɔn la. A ko n kana saya-kɔndɔli-kɛ hali ka di. A ko n kana wo ma bawo a ara ata duwɛ bɔ wo bolo. A ti ata keninteyɛ anubɛ ata kinikinɛ yira wo la tun!

Isikiyɛli 23:25

N si a ma, anu ni i tɔrɔ anuna yisi-bɔɛ la bawo nde fanan yisi bɔnɛ i kuma kati! Anu si i sunyɛ anubɛ i tole ka ka ila dannu faga i yala. Anu si wola den-keinu anubɛ dunmusinu kɛndɛ mintan i yala.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 5:7

Wo ma wo telen Mari ye muk! Wola dannu ma ko-wo-ko lɔn Alla wara-ko rɔ. Woletɔ a ti mɛ tun, a si wobɛ wola nyamanɛ kasara pɔ!

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Yɔni 8:41

Ade! Wo fa-bɛrɛ ya min ma, wo ye wo le ma tinɛ tun.” Anu ya a sɔsɔ ko, “Male ma sɔrɔn yɛlɛnyɛ rɔ. Fa kelen de ma bolo, Alla nyɛrɛ, kɔni.”

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

Romu 9:18

Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.