Hoseya 2:16 - ALLALA KUMƐ

¹⁶ Wo wati rɔ, a si n kele ko, “N buin.” A ti n kele tun ko, “N tigi.”

Hoseya 2:16 Iomraidhean Croise

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Isikiyɛli 20:35

N si na anu na wulɛ wo rɔ min bi sibolo-gbɛrɛnu tɛma. Isirɛla wa ke nyɔ, n si anutɛ bɔ tɔn rɔ sibolo-gbɛrɛnu yala.

Hoseya 2:7

Ala keminɛnu sagaran-kilɛ bɛɛ si faga a ma. A ti fenfen sɔrɔn wonu bolo tun. Wo kɔma, a si to a fɔla ko a ye sɛgila le tun nde, ala kei-kɔrɛ ma bawo a wara-koe sa tun iko fɔlɔ.

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

2 Kɔrɛnti 11:2

N bi wo makeliyala iko Alla ye wo makeliyala nya min. Wo bɛɛ mani de iko sunkurun-nasɔlɔni-bɛrɛ, n bara min furu-koe lanyiri kiri mɔgɔ kelen pe ye, Kirasiti, kɔni.

Lankɛnimayɛ 19:7

Ma ni sewa ka nyagalen. Ma ni ata gbiliyɛ tanto bawo saga-danta kɔnyɔ-masɔ-wati ara ke. Ala kɔɛn-kurɛ ara a nyɛrɛ rabɛn ala ko la.

Kɛlɛ-Kurugbɛnu 19:3

Wo kɔma, kei wo bɔra Ifɛrɛm nyamanɛ rɔ ka ta a fɛ-sigi-musi wo sagaran a fa warɛ. A sɔgɛ ye a la, a ni ta kuma-diyamɛ fɔ a fɛ-sigi-musi ye alako a ni sɛgi a warɛ bɔn la tun. A ya sofɛlɛ fila bi anubɛ ala wɔli-kɛlɛ. Anu tara. Anu ke a biran-kei warɛ Bɛtalehɛm soe burɔ, a fɛ-sigi-musi wo ya anu nabɛn ka anu yiya bɔn la. A biran-kei ya a yen tumɛ min, a nyagalenta a la ka a kɔndɔn bolo-nyimɛ-kɛ.

Ruti 2:13

Ruti ko, “N fa, hali n sa iko ila wɔli-kɛlɛnu, i wara kuma n ye nya min kɛ la, wo ara n hɛnɛ feu! Tabarakala i ma boi!”