Hoseya 2:11 - ALLALA KUMƐ

¹¹ N si tɔn sigi ala tolonta tɛ bɛɛ ma. A san-ladiyɛ wo, a karɛ-ladiyɛ wo, a Sulen-Tele-ladiyɛ wo, n si tɔn sigi a ma wo bɛɛ rɔ.

Hoseya 2:11 Iomraidhean Croise

1 Mansɛnu 12:32

Mansa Yɛrabowami ya a fɔ ala nyamanita-mɔgɛnu ye ko anu ni ladiyɛ do dabira ka a sanka Yuda mɔgɛnutɛ ma min si kɛ anuna san karɛ segin nyɔgɛ, tele tan-ni-loli ma. Mansa Yɛrabowami nyɛrɛ-nyɛrɛ ya tele wo yabɔ a nyɛrɛ ma ka sarakɛnu bɔ wulɔn. Wo tele nyɛrɛ kenɛ, a ya saraka-masɔlɛnu sigi Bɛtɛli soe burɔ minnu ya sarakɛnu bɔ saraka-bɔ-tinɛ kuma ninki-dannuna muninyɛ wonu ye. A ya ladiyɛ wo dabira Isirɛla mɔgɛnu ye ka le.

Yɛrɛmaya 16:9

Isirɛlata Mari Sɛnbɛ-Bɛɛ-Tigi Alla ko a ti mɛ tun, a si tɔn sigi sewɛ anubɛ nyagalan la kan tinɛ kɛ rɔ. A si tɔn sigi kɔnyɔ-masɔ-ladiyɛla sewɛ la, ado a ko kɛ bɛɛ si ma n siyi-tele kɔrɔ.

Yɛrɛmaya 25:10

Mari ko a si tɔn sigi wola sewa-tolɔn la. A si yili kiri wola kɔnyɔ-masɔ-tolɔn la. A si tɔn sigi wola kolon-tugu-kan la. Ta-yi wo ta-yi ti taran nyamanɛ rɔ.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Isikiyɛli 26:13

N si tɔn sigi anuna sigi-sɛnu anubɛ anuna sɔrɔn-fɔɛnu na.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Hoseya 5:7

Wo ma wo telen Mari ye muk! Wola dannu ma ko-wo-ko lɔn Alla wara-ko rɔ. Woletɔ a ti mɛ tun, a si wobɛ wola nyamanɛ kasara pɔ!

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Emɔsi 5:21

“Mari ko wola ladɛn-sɛnimɛnu sɔgɔ-labɔnɛ le a la ka lass! Wo fenfen ma di a ye.

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Emɔsi 8:5

Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!