Hoseya 2:1 - ALLALA KUMƐ

¹ Wo tumɛ wa ke, wo si wo ta-nyɔgɛ Isirɛla mɔgɛnu kele ko, “Allatɛ” anubɛ “Mari ara hina minnu na.”

Hoseya 2:1 Iomraidhean Croise

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

1 Timoti 1:13

N bara kuma-yogomɛ fɔ Alla ma nun ka ala mɔgɛnu kɛlɛ hali ka wunduyogoyɛ sigi anu na. Kɔnɔ Alla kinikinita n ma bawo n ya wo bɛɛ kɛ dɛnkɛninyabɛlitayɛ le tɔ. N bi min kɛla nun, n ma wo lɔn.

1 Pita 2:10

Fɔlɔ-nun, Allala mɔgɔ ma wo la kɔnɔ kaka, wo ara ma ata mɔgɛnu na. Fɔlɔ-nun, wo ma Allala kinikinɛ lɔn kɔnɔ kaka, wo ara ala kinikinɛ sɔrɔn.