Hoseya 13:10 - ALLALA KUMƐ

¹⁰ Wo ya a fɔ nun ko wo ye nyinina mansɛ anubɛ kun-tiginu ma kɔnɔ wonu si ke wo lakisila kama?

Hoseya 13:10 Iomraidhean Croise

1 Mansɛnu 12:20

Isirɛla mɔgɔ damasi ya a lamɔɛn min kɛ ko Yɛrabowami ara sɛgi ka bɔ Iyipiti nyamanɛ rɔ, anu ya a kele anuna ladɛn-kinamɛ kuma ka a ma mansɛ la Isirɛla mɔgɛnu kuma. Fɔ Yuda bɔnsɔnnu, wonu denu tora Mansa Dawuda sɔrɛnu fɛ.

2 Mansɛnu 17:4

Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

Yaburi 10:16

Mansɛ le Mari la burubukai! Bɛsi-kɔlɛnu si ban ata nyamanɛ rɔ feu!

Yaburi 149:2

Wole Isirɛla mɔgɛnu ni sewa ka a tɛgɛ wo Dali-Mari ma. Wole Yerusalɛm kɛnu ni sewa wola san-kolo-mansayɛla ko la.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Yaburi 74:12

E, Alla, kebi fɔlɔ, ile ye mansayɛ la ma kun na. I wara ma latanka siyaman kɛ duninya kɛ rɔ.

Yaburi 89:18

E, Mari, ile le ya mansɛ yabɔ ma ye. Ile Isirɛlata Alla-sɛnimɛ le ya mala mansɛ di ma ma.

Aiseya 33:22

Fenfen ma kulun-matelen-fannu na. Kurɛ min si kulɔn lata, wonu ta ma fulen. Ma si ma yogenu bolo-fannu toronde anu na. Wo si siyaya ma bolo, hali namarɛnu si do sɔrɔn anu tɔ. Mari nyɛrɛ si ma mala mansɛ la. Ale si ma lamara ka ma lakanan.

Aiseya 43:15

A ko mata Mari Alla-sɛnimɛ le ale la. A ko ale le ya male Isirɛla mɔgɛnu dan ka ma mala mansɛ la.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Nimisa Koe 4:20

Mari ara mata mansɛ min yabɔ, ma yogenu ya wo bira anuta gbɛrɛ rɔ, ado ma niyi-kunyɛ le wo la. Ma lara wo le la ko a si ma latanka ma yogenu ma.

Hoseya 10:3

Wole hakɛ-tiginu si na a fɔ ko, “Mansa sa ma bolo bawo ma kilanni ma Mari la. Hali a taranta, mansɛ ye ma bolo nun, wo si nfen nyinya ma ma?”

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Hoseya 7:7

“Wole karagbɛlɛnu bara wola kun-tigi faga wola koninteya-dogonnɛ la. Wo ara ban wola mansɛnu fagala kelen-kelenyɛ ma kɔnɔ anu do-wo-do ma nde, Mari manyinika dɛnbɛni-koe la.”

Hoseya 8:4

“Wole nta mɔgɛnu bi mansɛnu sigila wo nyɛrɛ ma. Wo sa n nalɔnna ka n sako nyini fɔlɔn. Wo ara sɛnɛ anubɛ wodi-gbɛnu nadan wola bɛsɛnu na. Wo kasara-kunyɛ le bɛsi-ladan wo la.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Yɔni 1:49

Nataniyɛli ya a yabi ko, “Karan-mɔgɔ, Allatalata dan le ile la, Isirɛla mɔgɛnuna mansɛ!”

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.