Hoseya 12:2 - ALLALA KUMƐ

² Mari ya Yuda sɔn fɔ a ye. A ko a si wole Yakoba kegeyɛ fanan tɔrɔ ka a tɛgɛ wola ko-ladan-nya ma, ado a si wo bira wo yili la.

Hoseya 12:2 Iomraidhean Croise

2 Mansɛnu 17:4

Kɔnɔ san do la, Mansa Hoseya ya kilayɛ lata Iyipiti mansɛ ma Sasi soe burɔ alako wo ni na a dɛnbɛ kɛlɛ la. San wo nyɛrɛ la, a ma sɔn a kunka-fen-wo-fenfen latala Asiriya mansɛ ma. Mansa Salamanisa ya wo lɔn min kɛ ko Mansa Hoseya ye a yanfa tinɛ le, a ya a ma, anu ya ale Mansa Hoseya bira ka a ladon yele la.

Yaburi 78:36

Kɔnɔ anuna kumɛ bɛɛsi foninya. Fenfen sa anu da rɔ fɔ kuma-teleka-teleka-fɔɛ.

Makawandili Kumɛnu 5:15

Bolo-kolɔn ye sɔrɔnna nya min, a bolo-kolɔn ye sɛgila wo nya na le. Hali a ya wɔli-su bɛɛ kɛ, a ti ta wo fenfen na a bolo.

Aiseya 10:12

Kɔnɔ Mari ko min di a ye, a wa ban wo sigila Yerusalɛm kɛnu ma, a ni to a ya-lamununna Asiriya mansɛ kɛ la ka a tɛgɛ ala nyɛrɛ-matɔgɛ anubɛ ala wasinteyɛ ma.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 24:21

Wati ye nala, Mari si duninya-kun-tiginu anubɛ san-kolo-sɛnbɛ-tiginu tɔrɔ.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Aiseya 59:18

Mari-yogenu bi min mala a la, a si a tayili sara wonu na. Minnu bi a kan ma, a si ata fondo-bɔɛ yira wonu na ka anu tɔrɔ. A si kɔgɔ-yi dafɛ-mɔgɛnu tɔrɔ iko a bɛnta anu ni tɔrɔ nya min.

Yɛrɛmaya 25:31

Sɔnkɛ wo si duninya mumɛ bɛɛ bira-a-la wuu! Wo ye mala bawo Mari ye nala sibole bɛɛ tɔrɔla le. A si mɔgɛ bɛɛla fɛɛ yira a la kiti-kɛ-tinɛ. A si wunduyoge bɛɛ halaki pɔ!

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 4:9

Mɔgɛ wonu bi tɔrɔya sufa min sɔrɔnna, wole saraka-masɔlɛnu bi wo le su sɔrɔnna. N si wo tɔrɔ ka wola ko-yogomɛ bɛɛ yili sara wo la.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Hoseya 7:2

N miriya sa wo la ko nde, Alla si wo bira wo yili la. Wo hakɛ mininɛ wo ma iko gbɔfɛ, ado wo hakɛ gbɛnɛ n yɛ la feu!”

Hoseya 8:10

Nde, Mari si wo kundɛn kan-tina-kelen ka wo tɔrɔ. Asiriya mansɛ wa a lagbɛlɛya wo kuma tumɛ min, wo si to wo forongbesila dugi ma.

Hoseya 8:13

Wo ye sarakɛnu bɔla wo buyinu denu ye, nde, Mari ma de! Nde, Mari sewani ma wonuna ko la mumɛ! N si n yili to wo hakɛ ko ka wo latuntun yɔɔnyɛ rɔ wo tɔrɔya-koe la iko wo taranta Iyipiti nya min nun.

Hoseya 8:9

Wole Isirɛla mɔgɛnu bara ta wo kun fɛ iko sofɛli-kalabante. Wo ya wo buri tala Asiriyanu bara wo dɛnbɛn-koe rɔ. Wo ara wo kun madiya sibolo-gbɛrɛnu na wo lakanan-koe la.

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Maika 6:2

Wole kɔnkɛ minnu manɛ duninya-kurun-fannu na, wole min na ti maga, wo ni wo tole masɔ Marita kumɛ la. Kumɛ do ye Mari anubɛ ata mɔgɛnu tɛma. A ye nala wo rakaranna wo ye.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!