Hoseya 12:1 - ALLALA KUMƐ

¹ “Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 12:1 Iomraidhean Croise

Ko-Dabirɛnu 41:6

Wo kɔma, a ya nyɔ wɔrɔnfila yen bɔla nyɔɛ doi wonu kɔma. Anu worowarɛ! Fɔnyɔ tugura. Anu mara sɔnfɔlɔn!

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Ko-Kɔrɔta-Karan 21:11

Mansa Yɛhoram kɛ ya bɛsi-kɔ-tinɛnu nadan Yuda kɔnkɔ-nyamanɛ rɔ. A sɔra Yuda kɛnu anubɛ Yerusalɛm kɛnu yarɔ ka hakɛ kɛ Mari la.

Yaburi 78:36

Kɔnɔ anuna kumɛ bɛɛsi foninya. Fenfen sa anu da rɔ fɔ kuma-teleka-teleka-fɔɛ.

Yɛrɛmaya 2:36

Wo toni ma kan-tina-kelen ma wo dɛnbɛn-koe rɔ. Asiriya kɛnu ya wo baya nya min, Iyipiti kɛnu bi nala wo bayala wo nya na le,

Yɛrɛmaya 22:22

Kɛlɛ si wola mɔgɔ-banu anubɛ wo ta-nyɔgɛ bɛɛ bira iko fɔnyɔ si fan bi nya min ka ta a la. Ka a tɛgɛ wola wunduyogoyɛ wonu ma, wo mawurannɛ si to yarabiyi bolo.

Yɛrɛmaya 7:15

A ko a si wo gben a yakɔrɔ iko a ya wo na-kelen-nyɔgɛ Isirɛla mɔgɛnu gben nya min.

Nimisa Koe 5:6

Ma ya ma sa Iyipiti kɛnu anubɛ Asiriyanu kɔrɔ dɔn-fen-koe la alako ma si ma beli-fannu sɔrɔn nya min.

Isikiyɛli 17:10

Hali a kira a kin na, a si a laban? Fɔn-kalamɛ wa na, a ti gbala? Ɔn, a si gbala a sɔ-gbɛ rɔ.”

Hoseya 11:12

Mari ko, “Wole Isirɛla mɔgɛnu bara n nafoo foninyɛ anubɛ yanfanteyɛ la. Ha bi, Yuda mɔgɛnu murutiyanɛ nde, Alla-sɛninyanɛ ma, lanaya-tigi, kɔni.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Hoseya 4:19

Fɔnyɔ si ta wo la. Wo si miliya kɔgɔrɔyɔlɔ ka a tɛgɛ wola bɛsi-kɔɛ ma.

Hoseya 5:13

Mari ko Yuda anubɛ Isirɛla ya a yen min kɛ ko anu ma kɛndɛ, wole Isirɛla mɔgɛnu tara Asiriya mansɛ wara a dandan-koe rɔ kɔnɔ wo ma ke wole, Isirɛla mɔgɛnu dandanna.

Hoseya 7:1

Mari ko, “Wole nta Isirɛla mɔgɛnu nakɛndɛya-sɔgɛ wa n bira tumɛ min ka wo wara-koe lata yarɔ, n si wola karagbɛlɛyɛ le dɔrɔn yen n yɛ la. Wo ye wo nyɔgɔn kensunyala. Wo ye bɔnnu kerila ka kankanyɛ kɛ. Wo ye buila mɔgɛnu ma lu-kole ma ka anu bolo-fannu bi anu bolo.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.