Hoseya 11:6 - ALLALA KUMƐ

⁶ Kɛlɛ si wola soe tarɛ don-dɛnu keri ka wola soenu ban fegba! N si wole nta mɔgɛnu tɔrɔ bawo wo miri ko wo ye tonyɛ le tɔ.

Hoseya 11:6 Iomraidhean Croise

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 106:43

Mari mɛra ala mɔgɛnu nakisila. Kɔnɔ wonu denu sɛgira murutiyala a ma. Anu tununta anu hakɛ rɔ pɔɛ!

Aiseya 18:5

Ki-fannu ba fere, yanni wonu keri-wati ni ke, wo si a taran, Sudan kɛnu yogenu bara ban anu kasarala. Anu si anu nɔ tiriya iko muri ye tɔnbɔnna kɔlɔma bolɔn rɔ nya min.

Aiseya 27:10

Anuna so-gbɛlɛmɛ si to tonbonyɛ la. A ra si kolonya filili iko wula-da-rakolɔn. A si ma tubali-kɛ-tinɛ la ninkinu ye iko anu bi yanba-kun-kurannu dɔnna kan min.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 9:14

Mari si Isirɛla kun-tiginu anubɛ anuna mɔgɛ toenu tɔrɔ tele kelen kɔrɔ. A si anu kunyɛ anubɛ anu kɔɛ tɛgɛ a la gbat!

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Yɛrɛmaya 50:35

Mari ko a bɛnta, Babilɔn kɛnu ni faga. A mɔgɔ-ba wo, a hɛnkilima wo, a mɔgɛ bɛɛ ni faga.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Isikiyɛli 20:47

A fɔ dugula gbɔngbɔn ye ko a ni a tole masɔ a Tigi Mari kan la. Nde si tɛ tugu a la. Tɛ si kɔlɔma bɛɛ mintan, a kuran wo, a gbalanɛ wo. Mɔgɔ-wo-mɔgɔ ti ke tɛ kɛ ladufenna. Tɛ wo si ta gbɔngbɔn mintanna ka bɔ dugi la ha ka ke kan tɔ. Wo wuyan si ke bɛɛ ma.

Hoseya 10:14

wo si a ma, kɛlɛ ni na wo ma. Wola so-latankanɛnu si tii mɛmɛ! Soe wonu si ma iko Mansa Salama ya Bɛti-Araba daga-koro-tiyi-kɛ nya min ka a fi-koro-tiyi kɛ. Denbɛ anubɛ anuna dannu kunyɛ si to-a-rɔ bofe!

Hoseya 10:6

Anu si ta bɛsɛ wo la Asiriya nyamanɛ rɔ anuna mansɛ sanbayɛ la. Wole Isirɛla mɔgɛnu si miliya wo rɔ ka a tɛgɛ wola lanayɛ ma bɛsɛ wola ko la.

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Hoseya 4:16

Wole, nta mɔgɛnu tengberenyanɛ iko sofɛlɛ. N ti ke wole, sofɛlɛnu nagbengbenna binyɛ ma iko saga-dannu.

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Maika 5:11

Wo hɛnkili latɛgɛnɛ wola soe minnu ma anubɛ wola kan-tinɛnu ko wo si kanan nyɔ, Mari si wonu tinya pɔ!

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.