Hoseya 10:3 - ALLALA KUMƐ

³ Wole hakɛ-tiginu si na a fɔ ko, “Mansa sa ma bolo bawo ma kilanni ma Mari la. Hali a taranta, mansɛ ye ma bolo nun, wo si nfen nyinya ma ma?”

Hoseya 10:3 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Mansɛnu 15:13

Mansa Yusayala mansayɛ san bi-sawa ani san kɔnɔntɛ nyɔgɛ ma Yuda nyamanɛ kun na, Yebɛsila den Salumu mara mansɛ la Isirɛla nyamanɛ rɔ san wo le la. Salumu kɛ ya karɛ kelen pe le bɔ mansayɛ la Samariya soe burɔ.

Yaburi 118:9

Yanni mɔgɛ ni a yigi sa kun-tiginu tɔ, a fisa, a ni a yigi bɛn Mari ma.

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Hoseya 10:15

Wole Bɛtɛli kɛnu, n bi a mala wole fanan na wo nya na le ka a tɛgɛ wola karagbɛlɛya-yogomɛ ma. Kɛlɛ wo ye buila nya min wo, Isirɛla mansɛ wo ye fagala le.”

Hoseya 10:7

Anu si ta wola mansɛ la pon iko yi ye tala kɔn-fɛran la nya min.

Hoseya 11:5

“Wo ya wo ban wo ya-lamununna n na woletɔ n ko fɔ wo wa ta Iyipiti, ado fɔ Asiriya wa sigi wo kun na.

Hoseya 13:10

Wo ya a fɔ nun ko wo ye nyinina mansɛ anubɛ kun-tiginu ma kɔnɔ wonu si ke wo lakisila kama?

Hoseya 13:11

Hali n kɔrɔtɔnɛ, n sɔnta wola mansaya-koe ma. Wo kɔma, n ya mansaya-koe bɔ wo tɛma fanan nta kɔrɔtɔ kelan wo la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Maika 4:9

“Kaka gbɛ, nfen bi a tola, wole ko-yogoma-kɛlɛnu bi gbele-gbelenna ka? Nfen bi a tola, wo ye tɔrɔla kɛ nya kaka iko musi buyi wa a lamaga. Nfen bi a tola, wola mansɛ anubɛ wola hɛnkilimɛnu ti ke wo dɛnbɛna kaka?

Yɔni 19:15

Anu ya a lasɔnkɔ tun ko, “A faga! A gbangban ka a faga kɔlɔma ma!” Pailɛti ya anu manyinika ko, “Wo ye a fɛ, n ni wola mansɛ gbangban kɔlɔma ma, wa?” Saraka-masɔla-wɛnu ya a yabi ko, “Mansa-gbɛrɛ sa ma bolo fɔ min bi Romu nyamanɛ kun na!”

1 Samuwɛli 12:25

Kɔnɔ ni wole tora hakɛ kɛla, wobɛ wola mansɛ la si to dogbe!”